ඒ, ලබන 20 වෙනිදා දැවැන්ත පා ගමනක් සංවිධානය කිරීමට පුජ්‍ය මුරුත්තෙට්ටුවේ ආනන්ද නාහිමියන් වහන්සේ මේවනවිට කටයුතු කරමින් සිටින බැවිනි.
ඒ වැනි වටපිටාවක් යටතේ අද අභයාරාමයට ගිය විපක්ෂ නායක සජිත් ප්‍රේමදාස විසින් උන්වහන්සේ හමුවේ වත්මන් රජය විසින් බුදු දහමට සහ ගරුතර මහා සංඝරත්නයට සිදු කරන අපහාස සම්බන්ධයෙන් ද ජාතිවාදය ඉස්මතුවන ආකාරයේ මතවාද ඉදිරිපත් කිරීම සම්බන්ධයෙන් ද කරුණු පෙන්වා දී ඇත.
අනතුරුව විපක්ෂ නායක සජිත් ප්‍රේමදාස විසින් උන්වහන්සේගෙන් ඉදිරි දේශපාලන කටයුතු වෙනුවෙන් ආශිර්වාද ලබා ගැනීම ද සිදු කර තිබේ.
මහජන හඬ නියෝජිතයෝ ද මුරුත්තෙට්ටුවේ හිමියන් හමුවෙති
පොහොට්ටු පක්ෂයේ නියෝජිතයින් පිරිසක් ද පසුගියදා අභයාරාමයට ගොස් මුරුත්තෙට්ටුවේ ආනන්ද නාහිමියන් සමග සාකච්ජා පවත්වා තිබිණ.
මේ අතර මහජන හඬ සංවිධානයේ විශේෂ නියෝජිත පිරිසක් ද දින කිහිපයකට පෙර මුරුත්තෙට්ටුවේ ආනන්ද නාහිමියෝ හමු විය.
මෙම හමුව මහජන හඬ සංවිධානයේ ජ්‍යෙෂ්ඨයන් වන අනුර යාපා, උදය ගම්මන්පිල , ටිරාන් අලස්, ප්‍රේමනාත් දොලවත්ත, සුගිෂ්වර බණ්ඩාර ඇතුළු පිරිසක් සහභාගි වුහ.
වත්මන් ආණ්ඩුවෙන් බෞද්ධ ශාසනයට එල්ල වී ඇති අභියෝග සම්බන්ධව මේ පිරිස ද නාහිමියන් සමඟ දීර්ඝ වෙලාවක් සාකච්ඡාකර ඇත.
එහිදී මුරැත්තෙටිටුවේ නාහිමියන් ප්‍රකාශ කර ඇත්තේ, තමන් වහන්සේ ප්‍රමුඛ දෙස් විදෙස් මහා සංඝරත්නයේ දායකත්වයෙන් ලබන විසි වෙනදා කොළඹදී මහා පාද චාරිකාවක් පවත්වා සත්‍ය ක්‍රියාවක් පැවත්වීමට සියලු කටයුතු සැලසුම් කර ඇති බවයි.
ඒ සඳහා කිසිම දේශපාලනඥයෙකුට සහභාගි නොවන ලෙස මේ වන විටත් දන්වා ඇතැයිද උන්වහන්සේ පවසා තිබේ.
මෙස සංඟ පාගමන සම්බන්ධව විවිධ මඩ ප්‍රචාර ඇතැම් පිරිස් විසින් ගෙනයාමින් එය කඩාකප්පල් කිරීමට තැත් කරන බව ද උන්වහන්සේ වැඩිදුරටත් ප්‍රකාශ කර ඇත.
මේ පාගමනේ කිසිදු දේශපාලනයක් නොමැති බවත් බුදු දහමට එල්ල වී ඇති අභියෝග සමිබන්ධව බෞද්ධයන් තුළ මතයක් ඇති කිරීම මෙහි එකම අරමුණ බවත් මුරුත්තෙටිටුවේ හිමියන් වැඩි දුරටත් සඳහන්කර ඇත.
මේ අතර ලබන විසි වෙනදා කොළඹදී පැවැත්වීමට කටයුතු යොදා ඇති පාද චාරිකාවට එරෙහිව ඇතැම් සංඝයා වහන්සේලා සමාජ මාධ්‍ය ඔස්සේ දැඩි ප්‍රහාරයක් එල්ල කරමින් සිටිති.
