සංචාරක අමාත්‍ය විජිත හේරත් පැවසී ය.
ඔහු මෙම අදහස් පළ කළේ පසුගියදා සිවිල් සංවිධාන නායකයින් සමග විදේශ කටයුතු, විදේශ රැකියා සහ සංචාරක අමාත්‍යංශයේ පැවැති සාකච්ඡාවක දී ය.
එම සාකච්ඡාවේ දී වැඩි දුරටත් අදහස් දක්වමින් අමාත්‍යවරයා පැවසුවේ මත් ද්‍රව්‍ය විකිණීමත්, පරිභොජනයත් නැවැත්වීම සඳහා ගම් මට්ටමින් මිනිස්සුන් ද මේ සඳහා තෙරපුමක් දිය යුතු බවයි.
‘රටම එකට’ මෙහෙයුම ජනපති ප්‍රධානත්වයෙන් 30 දා ඇරඹේ
විෂ මත්ද්‍රව්‍ය උවදුර කඩිනමින් මුලිනුපුටා දැමීමේ අරමුණින් ආරම්භ කෙරෙන ‘රටම එකට’ ජාතික මෙහෙයුමේ සමාරම්භය ජනාධිපති අනුර කුමාර දිසානායකගේ ප්‍රධානත්වයෙන් මේ මස 30 වැනිදා පෙරවරු 10.00ට කොළඹ, සුගතදාස ගෘහස්ත ක්‍රීඩාංගණයේදී පැවැත්වේ.
මත්ද්‍රව්‍ය උවදුර හේතුවෙන් තරුණ ප්‍රජාවගේ මෙන්ම පාසල් දරුවන්ගේ ජීවිත අවදානමට ලක්ව ඇති ආකාරයත්, එය සමාජ ආර්ථික ව්‍යසනයක් බවට පත්ව ඇති ආකාරයත් මෙයින් පෙන්වා දෙයි.
එසේම වැඩසටහන යටතේ මත්ද්‍රව්‍ය උවදුර සම්බන්ධයෙන් දැනුම්වත් කිරීම, විෂ මත්ද්‍රව්‍ය ජාවාරම හා බැඳුණු ජාලය බිඳදැමීම, පුනරුත්ථාපන අවස්ථා බලගැන්වීම, භාවිතයෙන් ඉවත් වීමට කැමැති පිරිස් සඳහා අවස්ථාව ලබා දීමත් අපේක්ෂා කෙරේ.
දේශපාලන සහ ආර්ථික කරුණු සම්බන්ධයෙන් විවාද මතු කරගත හැකි නමුත් විෂ මත්ද්‍රව්‍ය උවදුර තුරන් කර දැමීමේ ජාතික වගකීම ඉටු කිරීමේදී තවදුරටත් කිසිදු විවාදයකට ඉඩක් නැති බවත්, සියලු වාද භේද අමතක කර ඒ වෙනුවෙන් සියලු පුරවැසියන් එකමුතු විය යුතු බවත් අවධාරණය කෙරෙන මෙම ‘රටම එකට’ ජාතික මෙහෙයුම මඟින් විෂ මත්ද්‍රව්‍ය උවදුර මුලුනුපුටා දැමීම සඳහා අවශ්‍ය වැඩපිළිවෙළ නිර්මාණය කර ඇත.
