හෙළා දැක තිබේ.
ගාල්ල, කරාපිටිය රුහුණු මල් ශාලාවේ පැවති අවමංගල්‍ය අවස්ථාවකට සිය බිරිඳ සමගින් එක් ව සිටියදී පහර කෑමට ලක්ව ඇත්තේ බද්දේගම ප්‍රාදේශීය සභාවේ උප සභාපති වූ සමන් සී ලියනගේ ය.
පසුගිය පළාත් පාලන මැතිවරණයට තරග කොට පරාජයට පත් සමගි ජනබලවේගයේ අපේක්ෂකයකු විසින් මාධ්‍යවේදී සමන් සී ලියනගේට පහර දී, මරණ තර්ජන එල්ල කළ අදාළ සැකකරු වහා අත්අඩංගුවට ගන්නා ලෙස ලංකා වතු සේවා සංගමයේ ප්‍රධාන ලේකම් චතුර සමරසිංහ ඉල්ලයි.
තුන් වතාවක් පහර කෑමටත්, මරණ තර්ජනයටත් ලක් වූ ප්‍රාදේශීය සභා උප සභාපතිවරයා ප්‍රතිකාර සඳහා කරාපිටිය රෝහලට ඇතුලත් කර තිබේ.
ලංකා වතු සේවා සංගමය පොලිසියෙන් ඉල්ලා සිටින්නේ තම සංගමයේ නිල පුවත් පත වූ, `ද ස්ටාෆ් `හි සංස්කාරක සහ සංගමයේ මාධ්‍ය සම්බන්ධිකාරක වූ සමන් සී. ලියනගේට ජීවිත ආරක්ෂාව සලසන ලෙසයි.
කිසිදු හේතුවක් නොමැතිව එක් වරම මුහුණට සහ පපුවට පහර එල්ල කර ඇත්තේ පිරිස ඉදිරියේදීය. අනතුරුව උප සභාපතිවරයා සිය යතුරු පැදිය ගාල් කළ ස්ථානයට ගිය විට එහි පැමිණි සැකකරු නැවතත් පහර දී මරණ බවට තර්ජනය කොට තිබේ. පසුව සමන් සී. ලියනගේ යතුරු පැදියෙන් ගමන් කරන විට ඔහු හඹා පැමිණි සමගි ජනබලවේගයේ පරාජිත අපේක්ෂකයා මග හරස් කොට නැවත වරක් පහර දුන් බවට උප සභාපතිවරයා පෝද්දල පොලිසියට කළ පැමිණිල්ලේ සඳහන් වේ.
``මේ අය මගෙත් එක්ක කිසිම අමනාපයක් තිබුණු කෙනෙක් නොවේ. මැතිවරණ සමයේ මම තරඟ කළ පහල කිහිඹිය කොට්ඨාශයට මගේ ප්‍රතිවාදිය ලෙසින් සමගි ජනබලවේගයෙන් තරඟ කළේ. මම සමසමාජ - කොමියුනිස් හවුල වෙනුවෙන් ශ්‍රීලංකා කොමියුනිස්ට් පක්ෂයේ තරුව ලකුණ යටතේ තරඟ කෙළේ. කොට්ඨාශේ දිනුවේ මම. මට පහර දුන් කෙනා පරාදයි වගේම, එයාලගේ ලැයිස්තුවෙන් පත්වුනෙත් අපේ කොට්ඨාශයේ කෙනෙක් එයාටත් මරණ තර්ජනය කරලා තිබුණා. ඔහුට තියෙන්නේ පරාජය ඉවසා දරා ගන්න බැරි වේදනාවක්,``යැයි පහර කෑමට ලක්ව රෝහල් ගතව සිටින උප සභාපති ලියනගේ පවසයි.
පපු ප්‍රදේශයට එල්ලවූ පහර දීම් නිසා හුස්ම ගැනීමේ අපහසුතාවකින් පසුවන උප සභාපතිවරයා සඳහන් කරන්නේ අත්අඩංගුවට ගැනීමෙන් වැලකී දැනට සැඟව සිටින අදාළ සැකකරු ඉදිරි දිනයක බාර වන බවට වාර්තා වී ඇති බවයි.
බද්දේගම ප්‍රාදේශීය සභාවට තරඟ කිරීමට පෙර සමන් සී. ලියනගේ වසර ගණනාවක් ``රාවය`` පුවත්පතේ මාධ්‍යවේදියකු හා සංස්කාරකවරයෙක් ලෙසත්, නිදහස් මාධ්‍ය ව්‍යාපාරයේ උද්යෝගිමත් ක්‍රියාධරයෙක් ලෙසත් කටයුතු කළේය. කලක් ඔහු නිදහස් මාධ්‍ය ව්‍යාපාරයේ දකුණු පළාත් සම්බන්ධිකාරක විය. ඊට අමතරව `සමසමාජ`` පුවත්පතේ සංස්කාරක වන්නේ ද ඔහුය.
