සීතල කාලගුණික තත්ත්වයත් සමග ඉන්ෆ්ලුවෙන්සා රෝගයේ වර්ධනයක් දැකිය හැකි බව ද එය නිව්මෝනියා තත්ත්වයක් දක්වා වර්ධනය වීමේ හැකියාවක් පවතින බැවින් වඩාත් කල්පනාකාරී වන ලෙස ද ඔහු ජනතාවට දැනුම් දෙයි.
දින දෙකකට වඩා උණ ඇත්නම් වහාම වෛද්‍ය උපදෙස් ලබාගෙන ඇඳේ සිට විවේකය ලබාගැනීම ඉතා යෝග්‍ය බව ද හෙතෙම කීය.
එසේම, දරුවන්ට සීත ආහාර නොදීමට, වැස්සේ සෙල්ලම් කිරීමට ඉඩ නොදීමට දෙමාපියන් වගබලා ගත යුතු බවත් දරුවන්ට උණ තිබේ නම් පාසල් හෝ පෙර පාසල් නොයවන ලෙසත් වෛද්‍ය හැරිස් පතිරගේ පවසයි.
වසංගත රෝග විද්‍යා අංශය පවසන්නේ, ශ්‍රී ලංකාව වැනි ඝර්ම කලාපීය රටවල වර්ෂා කාලවලදී ඉන්ෆ්ලුවෙන්සා රෝගය වැඩි විය හැකි බවයි.
ඉන්ෆ්ලුවෙන්සා රෝග ලක්ෂණ මොනවා ද?
ලෝක සෞඛ්‍ය සංවිධානය පවසන පරිදි ඉන්ෆ්ලුවෙන්සා රෝග ලක්ෂණ කිහිපයක් පවතී.
* උණ
* කැස්ස
* උගුරේ ආබාධ
* නාසයේ සොටු ගැලීම
* මස් පිඩු වේදනාව
* හිසරදය
* තෙහෙට්ටුව
* වමනය
රෝගය වැළඳීම සහ සුවවීම
පළමු දින 1 සිට 3 දක්වා - උණ, හිසරදය, මස්පිඩු වේදනාව, උගුරේ අපහසුතා, වියළි කැස්ස සහ ඇතැම් විට නාසයේ බර ස්වභාවක් ඇති විය හැකි ය.
4 වන දිනය - උණ සහ මස්පිඩු වේදනාව තරමක් අඩුවෙයි. එහෙත්, උගුරේ වේදනාව, කැස්ස සහ හෘදයේ සුළු වේදනාවක් ඇති විය හැකි ය.
8 වන දිනය - රෝග ලක්ෂණ පහව යන නමුත්, කැස්ස සහ තෙහෙට්ටුව සති දෙකක පමණ කාලයක් පැවතිය හැකි ය.
