ජගත් විතාන මන්ත්‍රීවරයාට දැනට තාවකාලික ආරක්ෂාවක් ලබා දී ඇති නමුත් මෙම තර්ජනය ගොඩනැගී ඇත්තේ මන්ත්‍රීවරයා සංවිධානාත්මක අපරාධවලට යම් සම්බන්ධ පුද්ගලයන් සමඟ සහසම්බන්ධකම් පැවැත්වීම හේතුවෙන් බව පොලිස්පතිවරයා පසුගියදා ප්‍රකාශ කළේය.
මෙම තර්ජනය මතු වී ඇත්තේ මහජන දේශපාලන කටයුතුවල නිරත වීමට යාම නිසා නොව, යම් යම් කූට ව්‍යාපාර සහ ජාවාරම්කාර පුද්ගලයන් සමඟ සහසම්බන්ධ වීමෙන් බව දැනට අනාවරණය වී ඇතැයි ද පොලිස්පතිවරයා පැවසිය.
මහජන නියෝජිතයෙකුට මේ ආකාරයට පදනම් විරහිතව චෝදනා නැගීම සම්බන්ධයෙන් සිය පක්ෂය බලවත් විරෝධය පළ කරන බවද නාමල් රාජපක්ෂ, විපක්ෂ නායකවරයා වෙත වැඩිදුරටත් ප්‍රකාශ කර ඇත.
ඒ සමග විපක්ෂයේ ප්‍රධාන සංවිධායක ගයන්ත කරුණාතික මන්ත්‍රීවරයා ගෙන් නාමල් රාජපක්ෂ මන්ත්‍රීවරයා ඉල්ලීමක් කර ඇත්තේ මේ සම්බන්ධව සාකච්ඡා කිරීමට වහාම පක්ෂ නායක හමුවක් කැඳවන ලෙස කතානායකවරයා ගෙන් ඉල්ලා සිටින ලෙසයි.
රජයේ ආරක්ෂාක අංශ ප්‍රධානියකු ලෙස මේ ආකාරයට මහජන නියෝජිතයින්ට ප්‍රසිද්ධියේ අභූත චෝදනා නැගීමෙන් පොලිස්පතිවරයා වැරදි පූර්වාදර්ශයක් සපයා ඇති බවද නාමල් රාජපක්ෂ මන්ත්‍රීවරයා සඳහන් කළේය.
