පාර්ලිමේන්තුවේ සේවා දෙපාර්තමේන්තු නවයක් ක්‍රියාත්මකව පවතී. මේවායේ සේවකයෝ අටසිය පනහක් පමණ සේවය කරති.
මෙම අංශවල සියලු දෙනාම පාහේ අදාළ වාර්තාවට විරෝධය දක්වමින් වෘත්තීය ක්‍රියාමාර්ගයක් ගතයුතු බවට නිල නොවන මට්ටමෙන් එකඟතාවක් ඇතිකරගෙන ඇත.
අයවැය විවාදය පවතින කාලයේ මෙකී විරෝධතාවය දැක්විය යුතු බවටද යෝජනා වී ඇතිවග වාර්තාවෙයි.
කතානායකවරයා විසින් සකස් කරවන ලද මෙම වාර්තාව සකසා ඇත්තේ විශ්‍රාමලත් පරිපාලන සේවා නිලධාරීන් තිදෙනෙකු විසිනි. පාර්ලිමේන්තු අත්දැකීම් කිසිවක් නොමැති පිරිසක් විසින් හරි හැටි කරුණු නොදැන වාර්තාව සකස් කර ඇති බැවින් එය ක්‍රියාත්මක කළහොත් සියලුම සේවකයන්ට බලවත් අසාධාරණයක් සිදුවන බව ඔවුන් අවධාරණය කරති.
මේ සම්බන්ධයෙන් කථානායකවරයාද දැඩි ස්ථාවරයක සිටිමින් තමන් රටේ තුන්වෙනි පුරවැසියා බැවින් කැබිනට් මණ්ඩලයට අදාළ වාර්තාව ඉදිරිපත් කොට කැබිනට් අනුමැතිය මත එය ක්‍රියාත්මක කළ යුතු බව තරයේ ප්‍රකාශ කර ඇතැයි සඳහන්ය.
එබැවින් ඉතිහාසයේ පළමුවරට කතානායකවරයාගේ මෙම ක්‍රියාවට එරෙහිව වෘත්තිය ක්‍රියාමාර්ගයක් ගැනීමට තීන්දු වී ඇතැයි කියැවෙයි.
ඒ අනුව අයවැය කාලයේ ලෙඩ නිවාඩු දැමීම අකුරට වැඩ කිරීම වැනි දෙවන මට්ටමේ වෘත්තීය ක්‍රියාමාර්ගයකට යැමට සිදුවන බව මැතිසභා සේවකයෝ පවසති.
ඒ අතර මැතිසබයේ මුළුතැන්ගෙය සම්බන්ධයෙන් පසුගියදා කථානායකවරයා විසින් කරන ලදැයි කියන ප්‍රකාශයකට විරෝධය දැක්වීම සඳහා ගිය සතියේ දින දෙකක් පමණ කනායකවරයාගේ දිවා ආහාරවෙල පමා කර සපයන ලද බවන ලද බවද පාර්ලිමේන්තුවේ නිල නොවන ආරංචි මාර්ගයේ සඳහන් කරයි.
