*අල්ලස් කොමිසමේ මුදල් පාලනය වෙන්නේ 2023 සම්මත කළ දූෂණ විරෝධී පනතින්ද? 2024 සම්මත කළ රාජ්‍ය මූල්‍ය කළමනාකරණ පනතින්ද? - අධ්‍යක්ෂ ජනරාල් රංග දිසානායකට ප්‍රශ්නයක්!
*නීතිපති මතය විමසුවත් තවම ප්‍රතිචාර නෑ!
*අල්ලස් කොමිසමේ අරමුදලට තවම මුදල් දාලත් නෑ!
*කඹ ඇදිල්ල ශ්‍රේෂ්ඨාධිකරණය දක්වා යන ලකුණු! I
අල්ලස් හෝ දූෂණ චෝදනා විමර්ශන කොමිසම (CIABOC) සිය ආයතනයට වෙන් කරන මුදල් පාලනය කරන්නේ කවුරුන්ද යන්න පිළිබඳව රජය සමඟ කඹ ඇදිල්ලක පැටලී සිටී.
2023 වසරේදී දූෂණ විරෝධී පනත (ACA) සම්මත කරද්දී එහි නිර්මාතෘවරුන් “ඉතා ස්වාධීන- එනම් සියයට සියයක් ස්වාධීන – අල්ලස් කොමිසමක්” නිර්මාණය කිරීමට අදහස් කළ බව CIABOC අධ්‍යක්ෂ ජනරාල් (DG) රංග දිසානායක අවධාරණය කරයි.
එම නීතිය යටතේ, මුදල් අමාත්‍යවරයා සමඟ සාකච්ඡා කර තමන්ගේම අයවැය තීරණය කිරීමට කොමිසමට බලය ඇති බව අර්ථකථනය කෙරේ.
ඉල්ලා සිටින මුදල් පාර්ලිමේන්තුව අනුමත කළ පසු, රජය එම මුදල් අල්ලස් කොමිසමේ වෙනම අරමුදලකට මාරු කළ යුතුය. ප්‍රධාන ගිණුම්කරණ නිලධාරියා ලෙස, කොමිසමේ කටයුතු සඳහා මෙම අරමුදලෙන් වියදම් කිරීමට අධ්‍යක්ෂ ජනරාල්වරයාට බලය ඇත.
නමුත් මුදල් අමාත්‍යාංශය 2024 රාජ්‍ය මූල්‍ය කළමනාකරණ පනත (PFMA) සම්මත කිරීමේදී දූෂණ විරෝධී පන අභිබවා යන බව පෙන්වා දෙන හිටපු මහාධිකරණ විනිසුරුවරයෙකු වන රංග දිසානායක, මෙය 2023 වසරේ සම්මත කළ මූල්‍යමය වශයෙන් ස්වාධීන අල්ලස් කොමිසමක් පිහිටුවීම නීතියේ අරමුණම පරාජය කරන බව පෙන්වා දෙයි.
රාජ්‍ය මූල්‍ය කළමනාකරණ පනත යටතේ, සියලුම මූල්‍ය ගනුදෙනු මුදල් අමාත්‍යාංශ ක්‍රියා පටිපාටි අනුගමනය කළ යුතුය. මෙය අල්ලස් කොමිසමට තමන්ගේම කටයුතු කළමනාකරණය කිරීමේ හැකියාවට බලපායි. දූෂණ විරෝධී පනත වසර දෙකකට වැඩි කාලයක් ක්‍රියාත්මක වුවද, කොමිසමේ ගිණුමට තවමත් අරමුදල් බැර කර නොමැත.
සංශෝධිත 2018 ජාතික විගණන පනත යටතේ මූල්‍ය ස්වාධීනත්වය භුක්ති විඳීමට අදහස් කරන ලද විගණන සේවා කොමිසමට ද ඒ හා සමාන ඉරණමක් අත්විඳ ඇත. එයද රාජ්‍ය මූල්‍ය කළමනාකරණ පනත යටතේ පවතින බව මුදල් අමාත්‍යාංශ නිලධාරීන් අවධාරනය කරයි.
මේ සම්බන්ධයෙන් අල්ලස් කොමිසම අගෝස්තු මාසයේදී, කථානායකවරයා මතය ප්‍රකාශ කරන ලෙස ඉල්ලා නීතිපතිවරයාට ලිපියක් යවා ඇතත් තවමත් ඊට ප්‍රතිචාරයක් ලැබී නැත.
නමුත් PFMA විසින් ACA අභිබවා යන බව නීතිපතිවරයා තීන්දු කළහොත්, නීතිය (PFMA) සංශෝධනය කරන ලෙස රජයෙන් ඉල්ලා සිටින බව රංග දිසානායක පවසයි. එය අසාර්ථක වුවහොත්, අවසාන පිළිසරණ වන්නේ ශ්‍රේෂ්ඨාධිකරණය බව දිසානායක 'සන්ඩේ ටයිම්ස්' වෙත ප්‍රකාශ කොට ඇත.
(උපුටා ගැනීම - mawratanews)
මුලාශ්‍රය :
CIABOC’s independence is undermined if Govt. controls funds, says DG
