ඔහු මෙරට දේශපාලනය තුළ නම් දැරූ චරිතයක් වූයේ සිංහලයේ මහා සම්මත භූමි පුත්‍ර පක්ෂය නිර්මාණය කරමිනි.
1994 සහ 1999 යන වර්ෂවල පැවති ජනාධිපතිවරණ දෙකේ දී එම පක්ෂයේ අපේක්ෂකයා වශයෙන් ඔහු ඉදිරිපත් විය.
ඔහු මිය යන විට 94 වන වියේ පසු විය.
වර්ෂ 2005 දී එළි දක්වන ලද පිටු 2000 ක ට අධික ප්‍රමාණයකින් යුක්ත ගුණසේන මහා සිංහල ශබ්දකෝෂයේ සම්පාදකවරයා ඔහු ය. එමෙන්ම ඔහු සිංහල ශබ්දකෝෂ සම්පාදනය සහ සිංහල අකුරු ප්‍රමිතිකරණය පිළිබඳ වියත් අදහස් ඉදිරිපත් කර ඇත්තෙකි.
ලේඛකයකු, පරිවර්තකයකු, ශබ්දකෝෂ සම්පාදකයකු, ගුරුවරයකු, නීතිඥයකු මෙන් ම දේශපාලඥයකු ඇතුළු ක්ෂේත්‍ර ගණනාවක සිය හැකියාව ප්‍රදර්ශනය කළ ආචාර්ය හරිස්චන්ද්‍ර විජේතුංග මහතාගේ දේහය පිළිබඳ අවසන් කටයුතු හෙට සිදු කිරීමට නියමිතය.
