අධිකරණයේ ස්වාධීනත්වයට බාධාවක් යයි අධිකරණ අමාත්‍ය නීතිඥ හර්ෂණ නානායක්කාර පවසයි.
විනිශ්චකාරවරුන් විසි දෙනෙකු ඉවත් කර ඇතැයි සමගි ජන බලවේගයේ මන්ත්‍රී නීතිඥ දයාසිරි ජයසේකර පාර්ලිමේන්තුවේ දී අද පැවසිය.
ඔහු මෙසේ පැවසුවේ ජනාධිපතිවරයා අගමැතිවරයා අගවිනිශ්චකාරවරයා ඇතුළු ආයතනවල වැය ශීර්ෂ පිළිබඳ විවාදයේදීය.
සමහරුන් අධිකරණ සේවා කොමිෂන් සභාවට බලහත්කාරීන් කැඳවා ඉල්ලා අස්වන ලෙස දැනුම් දී ඇතැයි පැවසු මන්ත්‍රීවරයා, ''සමහරු ඇඬු කඳුළෙන් ගිහින් තියෙන්නේ'' යැයි ද සඳහන් කළේය
ඊට ප්‍රතිචාර දක්වමින් අධිකරණ අමාත්‍යවරයා මෙසේ පැවසිය.
''චෝදනා තිබෙන විසි දෙනෙක් ඉවත් කරලා තියෙනවා. පරීක්ෂණ කරලා තමයි ඒ කරල තියෙන්නෙ. ඔබ කරන ප්‍රකාශය අධිකරණයේ ස්වාධීනත්වයට බාධාවක්. අගවිනිසුරුවරයාට කරන අවමානයක්.''
විනිසුරුවරුන් පිළිබඳ ඇති වී තිබෙන ගැටලුව සම්බන්ධයෙන් පාර්ලිමේන්තු මන්ත්‍රී දයාසිරි ජයසේකර සහ අධිකරණ අමාත්‍ය හර්ෂණ නානායක්කාර අතර ඇතිවුණේ සංවාදය මතු වීඩියෝවේ පළවේ.
