ඒ හේතුවෙන් ඉන්දීය කොන්සල් ජනරාල් ශ්‍රී හර්වින්දර් සින්ග් අද (18) හිටපු ජනපතිවරයාගේ තංගල්ලේ පිහිටි කාල්ටන් නිවෙසට ගොස් තිබුණා.
ඒ ඉන්දීය මහ කොමසාරිස් සන්තෝෂ් ජා ගේ සුබපැතුම් පිරිනැමීම සඳහායි.
මේ සම්බන්ධයෙන් හිටපු ජනපතිවරයා සිය මුහුණු පොතේ සටහනක් තබමින් සඳහන් කර තිබුණේ රාජ්‍යතාන්ත්‍රිකව ද පෞද්ගලිකව ඔවුන් දෙදෙනා අතර පවතින මිතුදම සතුටු සිතින් සිහිපත් කරමින් හෘදයාංගම ස්තුතිය පළ කරන බවයි.
එම මුහුණු පොතේ සඳහන් වූ සටහන මෙසේයි.
“අද (18) දින පෙරවරුවේ තංගල්ල, කාල්ටන් නිවසට පැමිණි ඉන්දීය කොන්සල් ජනරාල් ශ්‍රී හර්වින්දර් සින්ග් මහතා විසින් මාගේ ජන්ම දිනය උදෙසා, ඉන්දීය මහ කොමසාරිස් සන්තෝෂ් ජා මැතිතුමන්ගේ සුබ පැතුම් පිරිනමන ලදී.
මෙහිදී රාජ්‍යතාන්ත්‍රිකව ද පෞදගලිකව ද අප අතර පවතින මිතුදම සතුටු සිතින් සිහිපත් කරමින් මාගේ හෘදයාංගම ස්තුතිය පුද කිරීමට මෙය අවස්ථාවක් කර ගනිමි.”
රනිල්ගෙන් මහින්දට දුරකථන ඇමතුමක්
මේ අතර අද උදෑසන සිටම මහින්ද රාජපක්ෂ හිටපු ජනාධිපතිවරයාට දේශපාලනඥයන් රැසක්ම දුරකථනයෙන් සුබ පතා ඇති බව වාර්තා වේ.
ඒ අතර හිටපු ජනාධිපති, එක්සත් ජාතික පක්ෂයේ නායක රනිල් වික්‍රමසිංහද වේ.
ඔහුද මහින්ද රාජපක්ෂට සුබ පතමින් වර්තමාන දේශපාලන තත්ත්වය සම්බන්ධයෙන්ද දුරකථනයෙන් කෙටි අදහස් හුවමාරුවක නිරත වී ඇති බව වාර්තාවේ.
මේ වන විට මහින්ද රාජපක්ෂ හිටපු ජනාධිපතිවරයා මහනුවර බලා පිටත්ව ගොස් ඇති අතර එහිදී ශ්‍රී දළදා මාළිගාවේ ආගමික වතාවත්වලට ද අද දින සහභාගි වීමට නියමිත බවද වාර්තා වේ.
