ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්‍ෂ මේ සම්බන්ධයෙන් අදහස් දක්වමින් පවසා සිටියේ, මෙවැනි ක්‍රියාවලින් තම පක්ෂය කිසිසේත්ම දුර්වලකළ නොහැකි බවයි.
"දෙන දේ ඔවුන්ටම භාරගන්න පුළුවන්"
තවදුරටත් අදහස් දැක්වූ මන්ත්‍රීවරයා, ආණ්ඩුවේ ඇතැමුන් දෙහිවල සහ කොහුවල ආශ්‍රිත ප්‍රදේශවල තණකොළ මිටි කිහිපයක් එල්ලා ඇති බවට ද තොරතුරු වාර්තා වන බව සඳහන් කළේය.
නුගේගොඩ රැලියට පිවිසුම් මාර්ගවල අසල තණකොල එල්ලා තබා ඇති අයුරු
ඔහු බුදුරජාණන් වහන්සේ ප්‍රකාශ කළ පරිදි, "ඔවුන් දෙන දේ අප විසින් භාර නොගන්නේ නම්, ඒවා ඔවුන්ටම භාරගෙන භුක්ති විඳිය හැකි බව මන්ත්‍රීවරයා වැඩිදුරටත් සඳහන් කර සිටියේය.
අද දින මෙම රැළිය පැවැත්වෙන්නේ උසස් පෙළ විභාගය පැවැත්වෙන දිනයක වීම හේතුවෙන්, විභාගයට බාධා නොවන ලෙස ශබ්ද විකාශන යන්ත්‍ර භාවිතයට දැඩි කොන්දේසි පැනවීමට පොලිසිය කටයුතු කර ඇති බව පෙර වාර්තා විය.
