විනය ක්‍රියා මාර්ග සම්බන්ධයෙන් සොයා බලා පාර්ලිමේන්තුවට වාර්තා කිරීමට විශේෂ කාරක සභාවක් පත් කරන ලෙස පාර්ලිමේන්තු මන්ත්‍රීන් 31 දෙනෙකුගේ අත්සනින් යුත් යෝජනාවක් පසුගිය 21 වැනිදා කතානායකවරයාට භාර දුන්නේය.
පාර්ලිමේන්තු මන්ත්‍රී නීතිඥ දයාසිරි ජයසේකර ගේ මූලිකත්වයෙන් සකස් කරන ලද මෙම යෝජනාවට විපක්ෂ නායක සජිත් ප්‍රේමදාස ඇතුළු විපක්ෂයේ සියලු පක්ෂවල ජේෂ්ඨයන් අත්සන් කර ඇත.
යට කී කාලයේ සිදු කරන ලද විනිසුරුවරුන්ට අදාළ විනය ක්‍රියාමාර්ග විනිවිද භාවයෙන් සිදුකර තිබේදැයි විමර්ශනය කළ යුතු බව එම යෝජනාවේ සඳහන්ය.
එම කරුණු විමර්ශනය සඳහා පාර්ලිමේන්තු මන්ත්‍රීන් තිස් දෙනෙකුට නොවැඩී පිරිසකගෙන් සමන්විත විශේෂ කාරක සභාවක් පත්කරන ලෙස මේ යෝජනාව මගින් වැඩිදුරටත් ඉල්ලා තිබේ.
යෝජනාව කතානායකවරයාට භාර දුන් අවස්ථාවට දයාසිරි ජයසේකර මන්ත්‍රීවරයා ප්‍රමුඛ විපක්ෂයේ ජේෂ්ඨ මන්ත්‍රීවරු ගණනාවක්ම එක්වුහ.
