ඒ සම්බන්ධයෙන් වැඩි දුරටත් කරුණු දැක් වූ විපක්ෂ නායකවරයා...
අපි උපරිම සහයෝගය දෙනවා
මේ වන විට මරණ රැසක් වාර්තා වී තිබෙනවා. විශාල පිරිසක් අවතැන් වී සිටින අතර නිවාස සහ දේශපළ හානි රැසක් වාර්තා වෙනවා. තවත් පිරිසක් ගංවතුරට කොටු වෙලා. එම වැඩපිළිවෙළට සියලුම දෙනා එකතු විය යුතු යි. ජනතාව මෙම තත්ත්වයෙන් මුදවා ගැනීමට අපි සම්පූර්ණ සහයෝගය ලබාදෙනවා. එමෙන්ම සෞඛ්‍ය අංශවලට, ආපදා කළමනාකරණ අංශවලට, ප්‍රාදේශීය ලේකම් කාර්යාලවලට හැකි ඉක්මනින් ප්‍රතිපාදන ලබාදීම සිදුකළ යුතු යි. ගංවතුරට කොටු වී ඇති ජනතාව බේරා ගැනීමට අවශ්‍ය බෝට්ටු පහසුකම් ලබාදීම කඩිනමින් සිදුකළ යුතු යි. ඒ වගේ ම නාය යෑමෙන් පීඩාවට පත් ජනතාවට කඩිනමින් සහන ලබාදීමට කටයුතු කළ යුතු යි. එමෙන්ම අධික වර්ෂාව හේතුවෙන් අවදානමට ලක්වුණ ප්‍රදේශවල සිටින ජනතාවට රාජ්‍ය නිලධාරින් ලබාදෙන උපදෙන් පිළිපදින්න කටයුතු කළ යුතු යි. ඒ අනුව කටයුතු කළොත් අවදානමට ලක්වුණ ජිවිත බේරා ගැනීමට පහසු යි.
අමතර මුදල් අවශ්‍ය නම් පරිපූරක ඇස්තමේන්තුවක් ඉදිරිපත් කරන්න
රට පුරා විදුලිය බිඳ වැටීම් සිදුවෙමින් පවතිනවා. පස් කදු නාය යෑම් සිදුවෙනවා. මෙම තත්ත්වයන් යළි පිළිසකර කිරීමට අවශ්‍ය ප්‍රතිපාදන, යන්ත්‍ර සූත්‍ර, ලබාදීමට කටයුතු කළ යුතු යි. ත්‍රිවිධ හමුදාව, පොලිසිය, සිවිල් ආරක්ෂක සේවය ඇතුළු සියලු දෙනා තවදුරටත් ශක්තිමත් කරමින් ජනතාවගේ ජන ජීවිත සුරක්ෂා කිරීමේ වැඩපිළිවෙළ ක්‍රියාත්මක කළ යුතු යි. ඒ සඳහා විපක්ෂයෙන් සිදුවිය යුතු යුතුකම් නොපිරිහෙළා ඉටු කිරීමට අපි කැපවී සිටිනවා.
