ඔහු එබව සඳහන් කර ඇත්තේ සිය ෆේස්බුක් පිටුවේ සටහනක් පළකරමිනි.
එම සටහන මතු පළවේ.
සන්නිවේදන පද්ධති බිඳවැටී, ප්‍රවාහන සහ අත්‍යාවශ්‍ය යටිතල පහසුකම් සියල්ල අඩාල වෙද්දි, දිවා රෑ නොබලා පැය 24 විවෘතවූ නගරසභා සහන මධ්‍යස්ථානයේ වෙහෙසී කැපවුණු රාජ්‍ය සේවකයින්, ස්වේච්ඡා සේවයට ආ පුරවැසියන්, ව්‍යාපාරික ප්‍රජාව සහ පක්ෂ විපක්ෂ භේදයකින් තොරව එක් වී මිනිසුන් වෙනුවෙන් කැපවුණු දේශපාලඥයින්, හිටපු නගරාධිපතිවරුන් සියල්ලටම ස්තූතියි.
සන්නිවේදන ජාල බිඳවැටී මහාමාර්ග අවහිරවූ පසුබිමක කොල්ලො විපත් බලන්න ගියේ, තැනින් තැනට පණිවිඩ ගෙනගියේ බයිසිකල්වල. කෝල් එකකින් කරන්න තිබුණු හැමදේම වෙනුවෙන් බයිසිකල් වල දුවපු ඒ දරුවො කළ සේවය අමිලයි.
පිරිසිදු කිරීමේ කාර්යයන් තවමත් නොකඩවා සිදු කරන්නට මිනිස්සු දක්වන සහය අද්විතීයයි.
වතුර සැපයුම් සියල්ල විනාශ වී ඇත. ඒවා ප්‍රකෘති තත්වයට ගන්නට මෙහෙයුම් ක්‍රියාත්මකයි.
රෝහලට අවශ්‍ය ජල බවුසර සපයමින් සිටිනවා.
දිවා රෑ විවෘත වූ නගර සභාව තුළ ආහාර සහ තේ කෝප්පය පවා පිරිසිදුවට හොඳට මිනිසුන්ට ලබාදීම තවමත් සිදු කරනවා.
නුවරඑළිය සිනිසිටා නගරශාලාවේ අවතැන් කඳවුර බොහෝ පිරිසකට තවමත් සහනය සලසමින් ඇත.
නුවරඑළිය නගරසීමාව තුළ රැඳී සිටි සංචාරකයින් ආරක්ෂිතයි.
(නගරාධිපති නුවරඑළිය මහ නගර සභාව)
#nuwaraeliya #LetsRebuild #searchandrescue #floodrelief
(උපුටා ගැනීම - Upali Wanigasekara ගේ ෆේස්බුක් පිටුවෙන්. )
