ඔහු මේ බව සඳහන් කරන්නේ සිය අත්සනින් යුත් මාධ්‍ය නිවේදනයක් නිකුත් කරමිනි.
එම නිවේදනයට අනුව සියළු පළාත් ප්‍රධාන ලේකම්වරුන්ගෙන් ඒ ඒ පළාතේ යටිතල පහසුකම්වලට සිදුවී ඇති හානි ඇස්තමේන්තු කර කඩිනමින් තමන් වෙත දැනුම් දීමටත්, ආහාර සහ අනෙකුත් අත්‍යවශ්‍ය සේවා පිළිබඳ ගැටලු හඳුනා ගනිමින් ඒවාට විසඳුම් ක්‍රියාමාර්ග ගැනීමටත් උපදෙස් දී ඇතැයි ඔහු සඳහන් කරයි.
පළාත් සභාවක් යටතේ වන පළාත් පාලන ආයතනයක උපකරණ සහ මානව සම්පත් ආපදාවට පත් වෙනත් පළාත් සභාවක යටතේ වන පළාත් පාලන ආයතන වෙත සැපයීමට අවශ්‍ය බලය අත්‍යවශ්‍ය කොමසාරිස් විසින් පළාත් ප්‍රධාන ලේකම්වරුන් වෙත පවරන ලද බව ද ඒම නිවේදනයේ සඳහන් වේ.
මතු පළ වන්නේ අත්‍ය්‍යවශ්‍ය කොමසාරිස් බී.කේ.ප්‍රභාත් චන්ද්‍රකීර්ති විසින් නිකුත් කරන ලද සම්පූර්ණ මාධ්‍ය නිවේදනය යි. 
