පවතින ආපදා තත්ත්වයෙන් විපතට පත් ශ්‍රී ලාංකේය ජනතාවට කඩිනම් සහන ලබාගැනීමේ අරමුණින් විපක්ෂ නායක සජිත් ප්‍රේමදාස මෙම හමුව සිදු කළ අතර එහිදී ආපදා තත්ත්වයෙන් විපත පත් ජනතාවට සහන සැලසීමට ආධාර කරන ලෙස විපක්ෂ නායකවරයා කොරියානු තානාපතිනිය හමුවේ ඉල්ලා සිටියා.
ගංවතුර බැසයාමෙන් පසුව ඇති වන සෞඛ්‍ය ගැටළු සහ වසංගත තත්ත්වයන්ට මුහුණ දීමට මෙරට සෞඛ්‍ය සේවාව තවදුරටත් ශක්තිමත් කළ යුතු බවත්, රෝහල් රැසක කටයුතු අඩපණ වීමත්, දුම්රිය මාර්ග සහ මහා මාර්ග හානිවීම නිසා ප්‍රවාහන කටයුතු බිඳ වැටීම නිසා ඒවා නැවත යථා තත්ත්වයට පත්කිරීමේ අවශ්‍යතාව පෙන්වාදී දුන් සජිත් ප්‍රේමදාස ඒ සඳහා හැකි සහයෝගය ලබාදෙන ලෙසද ඉල්ලීමක් කළා.
ශ්‍රී ලංකා ජනතාවගේ දීර්ඝ කාලීන සමීප මිතුරකු ලෙස කොරියානු ජනරජය තරුණ තරුණියන්ට රැකියා අවස්ථා ලබාදුන්නා සේම, මේ අවස්ථාවේ දී රටක් ලෙස යළි නැගී සිටීමට අවශ්‍ය සහය ලබාදෙන ලෙසත්, විපක්ෂ නායකවරයා අවධාරණය කළා.
