අද වැනි පොහොය දිනයක සිදුවූ ප්‍රධානතම ශාසනික සිදුවීම වන්නේ, අනුබුදු මිහිඳු මහරහතන් වහන්සේගේ සහෝදරිය වන සංඝමිත්තා මෙහෙණින් වහන්සේ ජය ශ්‍රී මහා බෝධීන් වහන්සේගේ දක්ෂිණ ශාඛාවක් රැගෙන දඹකොළ පටුනට වැඩම කරවීමයි.
සංඝමිත්තා තෙරණින් වහන්සේ සමඟ තවත් භික්ෂූණීන් වහන්සේලා මෙදින ලංකාවට වැඩම කළ අතර, ඒ අනුව මෙරට මෙහෙණි සසුන පිහිටුවීම ද උඳුවප් පුරපසළොස්වක පොහොය දිනයේ දී සිදුව ඇත.
සිරිපා වන්දනා සමය අදින් ඇරඹේ
ශාසනික වශයෙන් වැදගත් වන උඳුවප් පුර පසළොස්වක පොහොය දිනයෙන් මෙවර සිරිපා වන්දනා සමයද අදින් (දෙසැම්බර් 04) ආරම්භ වේ.
අදින් ඇරඹෙන මෙම සිරිපා වන්දනා සමය ලබන වසරේ වෙසක් පුර පසළොස්වක පොහොය දිනය දක්වා ක්‍රියාත්මක ය.
