ඇය, 2000 ඔක්තෝබර් 10 වෙනිද යාපනයේ අධි ආරක්ෂිත කලාපයෙ තිබුණ තමන්ගෙ ගෙදරදිම ඝාතනයට ලක්වුණ මාධ්‍යවේදී මයිල්වාගනම් නිමලරාජන් ගෙ බාල නැගණිය.
ඇය වාසය කරන්නෙ කැනඩාවෙ.
නිමලරාජන් මරා දාන කොට රටේ නායිකාව චන්ද්‍රිකා බණ්ඩාරනායක කුමාරතුංග. අනුර වගේම ඇය බලයට ආවෙත් එජාප 17 වසරක සාපයෙන් ආත්මය බිඳ වැටිල තිබුණ රටකට සුවිශාල බලාපොරොත්තු දල්වමින්. දකුණෙ ජනතාව රැල්ලකින් ඇය බලයට පත්කරද්දි උතුරෙ ජනතාව ඇය වටේ රොක්වෙලා මොට්ටු තිවුව.
එදා චන්ද්‍රිකා ගැන තිබුණ වගේම ලංකාවෙ බොහෝ දෙනෙකුට තවමත් අනුර ගැන ලොකු බලාපොරොත්තුවක් තියෙනව. දශක ගණනාවක් නොවිසඳුණ බරපතල අපරාධ සම්බන්ධයෙන් යුක්තිය ඉටුකරන්න ජනාධිපති අනුර කුමාර දිසානායක කටයුතු කරාවි කියල රටවැසියන්ගෙ තියන ඒ බලාපොරොත්තුව කැනඩාවෙ ඉන්න නිමලරාණිටත් දැනෙනව.
"ජනාධිපතිතුමා මගේ අයිය වෙනුවෙන් යුක්තිය ඉටුකරාවි කියල මට විශ්වාසයි." ඇයගෙ හඬේ තිබුණෙත් බලාපොරොත්තු සහගත බවක් සහ අධිෂ්ඨානයක ස්වරයක්.
"මට අයිය නැතිවෙලා දැන් අවුරුදු 25කුත් ගෙවිල ගිහින්. දෙවියන් වහන්සෙට විතරයි ඒක තීරණය කරන්න පුලුවන්. ඒත් දැන්වත් යුක්තිය ඉටුවෙනව නම් මම කැමතියි."
(සටහන | සරෝජ් පතිරණ)
බීබීසී හිටපු ජ්‍යෙෂ්ඨ සම්පාදක
sarojpathi@gmail.com
(Saroj Pathirana ෆේස්බුක් පිටුවෙන්...)
2025 දෙසැම්බර් 27
සම්පූර්ණ ලිපිය මෙන්න
නිමලරාජන් ඝාතනය ගැන ජනාධිපති අනුර කුමාර යුක්තිය ඉටු කරාවි - සොයුරියගේ බලාපොරොත්තුව
The wait for justice for Nimalarajan Mylvaganam, murdered Jaffna journalist
