අරගලයේ යෙදෙන්නන් වෙත හමුදා විසින් තව දුරටත් වෙඩි තැබුවහොත්, වහා ඊට මැදිහත් වන බව, එක්සත් ජනපද ජනපති, ඩොනල්ඩ් ට්‍රම්ප් ඊයේ (2) තර්ජනය කළේය.
" සියල්ල සූදානම්. අපට තියෙන්නේ වැඩේට බහින්න විතරයි," ඔහු සිය සමාජ මධ්‍යයේ එසේ සඳහන් කළේය. ඉකුත් ජුනි මස එක්සත් ජනපදය ඉරානයේ න්‍යෂ්ටික මර්මස්ථාන සොයා බෝම්බ හෙළීය. ඒ, ඉරානයේ පරමාණු වැඩසටහනට සහ හමුදා නායකත්වයට එරෙහිව ක්‍රියාත්මකවූ, ඊශ්‍රායල ගුවන් ප්‍රහාරයන්ට සහාය දක්වමිනි.
ඉරානයේ අභ්‍යන්තර අර්බුද කෙරෙහි එක්සත් ජනපද අත පෙවීම සමස්ත මැද පෙරදිග කලාපයම අස්ථාවර කිරීමක් බව, එක්සත් ජනපද ජනපතිවරයාගේ ප්‍රකාශයට පිළිතුරු ලෙස ඉරානය කියා සිටී. ලෙබනනයේ, ඉරාකයේ සහ යේමනයේ ක්‍රියාත්මක සන්නද්ධ කණ්ඩායම් වෙත ඉරාන සහාය හිමි ය.
එරට අභ්‍යන්තර ගැටළු වලට එරෙහි යම් ජාත්‍යන්තර මැදිහත් වීමකදී, ඊට ප්‍රතිචාර දැක්වීමේ ස්වෛරී අයිතිය තමන් සතු බව, ඉරානය අවධාරණය කරයි.
(සටහන |Reuters ඇසුරින්; හර්ෂ උදයකාන්ත පීරිස්)
සබැඳි පුවත් :
Trump threatens Iran over protest crackdown as deadly unrest flares
