මීට පෙර මෙරට පැවති 'අරගලය' මර්දනය කිරීමට සහ පාස්කු ප්‍රහාරය සමයේ ගෙන ආ මර්දනකාරී රෙගුලාසිවලට සමාන බව පාර්ලිමේන්තු මන්ත්‍රී ෆයිසර් මස්තෆා අද (06) පාර්ලිමේන්තුවේදී අවධාරණය කළේය,
ජනාධිපතිවරයා විසින් ප්‍රකාශයට පත් කරන ලද හදිසි නීති රෙගුලාසි පිළිබඳ විවාදයට එක්වෙමින් මන්ත්‍රීවරයා කියා සිටියේ, ආපදා තත්ත්වයකට මුහුණ දීම සඳහා විපක්ෂයේ පූර්ණ සහයෝගය ලබාදීමට එකඟ වුවද, දැනට ඉදිරිපත් කර ඇති රෙගුලාසි තුළින් මහජන නිදහස දැඩි ලෙස සීමා වන බවයි,
මර්දනකාරී රෙගුලාසි සහ ප්‍රකාශනයේ අයිතිය මෙහිදී විශේෂයෙන්ම 19 වන වගන්තිය යටතේ පත්‍රිකා බෙදා හැරීම, කටකතා සහ අසත්‍ය ප්‍රකාශ පාලනය කිරීමට ගෙන ඇති පියවර විවේචනය කළ මස්තෆා , මෙමගින් ප්‍රකාශනයේ නිදහස (Freedom of Expression) දැඩි ලෙස උල්ලංඝනය වන බව පෙන්වා දුන්නේය.
"මේ රෙගුලාසි සහ ආපදාව කළමනාකරණය කිරීම අතර කිසිදු සම්බන්ධයක් නැහැ" යන්න ඔහුගේ ස්ථාවරය විය. එමෙන්ම, 02 වන වගන්තිය මගින් වාහන සහ දේපළ බලහත්කාරයෙන් අත්පත් කර ගැනීමට (Requisition of vehicles and property) රජයට ඇති හැකියාව පිළිබඳවද ඔහු සිය විරෝධය පළ කළේය.
ආපදා තත්ත්වය අවසන් බවට ආරක්ෂක ලේකම්වරයාගේ ලිපියක් මෙහිදී තීරණාත්මක අනාවරණයක් කරමින් මන්ත්‍රීවරයා සඳහන් කළේ, 2025 දෙසැම්බර් මස 05 වන දින ආරක්ෂක අමාත්‍යාංශයේ ලේකම්වරයා විසින් නිකුත් කරන ලද ලිපියක් මගින් මෙම ආපදා තත්ත්වය අවසන් බව දැනුම් දී ඇති බවයි. එම ලිපිය තමන් සභාගත කරන බවද ඔහු මෙහිදී ප්‍රකාශ කළේය.
නීති විරෝධී රෙගුලාසි පිළිබඳ ශ්‍රේෂ්ඨාධිකරණ තීන්දුව මෙම රෙගුලාසිවල නෛතික භාවය ප්‍රශ්න කරමින් මන්ත්‍රීවරයා 2025 ජූලි 23 වන දින ශ්‍රේෂ්ඨාධිකරණය විසින් ලබාදුන් තීන්දුවක් සභාගත කළේය. අරගල සමයේ පනවන ලද මෙවැනිම රෙගුලාසි නීති විරෝධී බව එම තීන්දුව මගින් තහවුරු කර ඇති බවත්, එම නිසා වර්තමාන රෙගුලාසිද නීතිමය ගැටලුවකට ලක්විය හැකි බවත් ඔහු පෙන්වා දුන්නේය.
විපක්ෂයේ ඉල්ලීම රජය විසින් මෙම මර්දනකාරී රෙගුලාසි දීර්ඝ නොකළ යුතු බවත්, ආපදාවට මුහුණ දීම සඳහා සියලු දෙනා එක්වී ශක්තිමත් සහ විනිවිද පෙනෙන යාන්ත්‍රණයක් සකස් කළ යුතු බවත් මස්තෆා රජයෙන් ඉල්ලා සිටියේය.
ආපදා කළමනාකරණය සඳහා රජයේ නිලධාරීන්ගේ මෙන්ම විපක්ෂයේ සහයෝගය ලබා ගැනීමට නම් නීත්‍යානුකූල වැඩපිළිවෙළක් අවශ්‍ය බව ඔහු වැඩිදුරටත් සඳහන් කළේය.
