මෙම යානය විදේශිකයන් පිරිසක් රැගෙන යාම සඳහා කොළඹ සිට පැමිණ ඇති අතර, නුවරඑළිය ග්‍රෙගරි වැව පරිශ්‍රයට ගොඩබැස්වීමට යාමේදී මෙම අනතුර සිදුව ඇති බව වාර්තා වේ.
අනතුර සිදුවන අවස්ථාවේ යානය තුළ නියමුවා සහ සහායක නියමුවා පමණක් සිට ඇත. සුළු තුවාල ලැබූ ඔවුන් දෙදෙනා වහාම නුවරඑළිය මූලික රෝහලට ඇතුළත් කිරීමට පියවර ගෙන තිබේ. ඔවුන්ගේ තත්ත්වය බරපතල නොවන බව වැඩබලන පොලිස් අධිකාරී චන්දන බස්නායක තහවුරු කර ඇත.
සිද්ධිය සම්බන්ධයෙන් නුවරඑළිය පොලිසිය වැඩිදුර විමර්ශන පවත්වන අතර, යානයට සිදුව ඇති හානිය හෝ අනතුරට නිශ්චිත හේතුව මෙතෙක් අනාවරණය වී නොමැත.
