"ගෝඨා රනිල් හැදූ ඊනියා අධ්‍යාපන ප්‍රතිසංස්කරණය ක්‍රියාත්මක කරන කොන්ත්‍රාත්තුව වහා නවතනු" යන මැයින් එම විරෝධතා ව්‍යාපාරය ක්‍රියාත්මක විය.
රජය ගෙන ඇති අධ්‍යාපන ප්‍රතිපත්තිවලට විරෝධය පළ කරමින් දිවයින පුරා ප්‍රධාන නගරවල සංවිධානය කරන මෙම විරෝධතා මාලාවේ පළමු විරෝධතාවය ලෙස ඊයේ මෙම විරෝධතා සංවිධානය කර තිබිණ.
ප්‍රධාන සටන්පාඨ ...
1.ගෝඨා - රනිල් හැදු
ඊනියා අධ්‍යාපන ප්‍රතිසංස්කරණ
ක්‍රියාත්මක කරන කොන්ත්‍රාත්තුව නවතනු!
2.අධ්‍යාපනයට කඩිකුලප්පු ප්‍රතිසංස්කරණයක් එපා!
පුළුල් මහජන සංවාදයකට ඉඩ දෙනු!
මෙම උද්ඝෝෂණයේදී යන සටන්පාඨ භාවිතා කර තිබූ අතර පුවරු වල පහත සටන්පාඨ තිබිණි.
1. කඩිකුලප්පු අධ්‍යාපන ප්‍රතිසංස්කරණයක් එපා!
2. පාසල් වියදම් දෙමාපියන්ට තවත් පැටවීම නවතනු!
3. පාසල් 3,000 වහන්නද බලය ගත්තේ?
4. සමාජ මාධ්‍ය, ජංගම දුරකථන වලට දරුවන් ඇබ්බැහි කරවන්නද හදන්නේ?
5. රැකියා වෙළදපලට අනුව අධ්‍යාපන අරමුණු කප්පාදු කිරීම නවතනු!
ඇතුළු විරෝධතා පාඨ සදහන් පුවරු අතැතිව විරෝධතා පාඨ කියමින් එම පිරිස උද්ඝෝෂණයේ නිරත වීය.
මෙම අවස්ථාවට ජන අරගල සංවිධානයේ විධායක සභික ලහිරු වීරසේකර ඇතුළු පිරිසක් සහභාගී වී සිටියහ.
මහරගම උද්ඝෝෂණයේ ඡායාරූප කිහිපයක් මතු පළවේ.
