ඒ අනුව අද (16) සමගි ජන බලවේගයේ කෘත්‍යාධිකාරී මණ්ඩලය සඳහා නවක සාමාජිකයන් ලෙස ගම්පහ ආසන සංවිධායක වරුණ රාජපක්ෂ, තෙල්දෙණිය ආසන සංවිධායක මහේෂ් සේනානායක, හොරණ ආසන සංවිධායක චරිත් අබේසිංහ, රත්මලාන ආසන සංවිධායක වෛද්‍ය චමල් සංජීව සහ විදුලි පාරිභෝගික අයිතීන් සුරක්ෂිත කිරීම වෙනුවෙන් අඛණ්ඩව හඬ නගන සංජීව ධම්මික යන අය පත්කර තිබේ.
ඔවුන් පසුගිය සමයේ අඛණ්ඩව මාලිමා ආණ්ඩුවේ අඩුපාඩු පෙන්වා දෙමින් සමගි ජන බලවේගයේ වැඩපිළිවෙල සඳහා විශාල දායකත්වයක් ලබාදුන් අතර, පක්ෂය ප්‍රවර්ධනය කිරීමටත්, ජාතික දේශපාලනය තුළ සමාජ මතවාද ගොඩනැගීමටත් සුවිශේෂී දායකත්වයක් ලබාදෙනු ලැබිය.
