යාපනය විශ්වවිද්‍යාලය තුල ස්ථාපිත කර තිබෙන පොංගු තමිල් ස්මාරකය ඉදිරිපිටදී 2026 ජනවාරි 17 වැනි සෙනසුරාදා පැවැති සැමරුම යාපනය විශ්වවිද්‍යාල ශිෂ්‍ය සංගමය විසින් සංවිධානය කර තිබු බවයි පළාත් බද වාර්තාකරුවන් පවසන්නේ.
එම අවස්ථාවට විශ්වවිද්‍යාලයේ දෙමළ සිසුන් රැසක් එක්ව සිටි බව ඔවුන් වැඩි දුරටත් සදහන් කරයි.
පොංගු තමිල් හෙවත් දෙමළ පිබිදීමේ ප්‍රකාශනය 2001 ජනවාරි 17 වැනිදා මුල් වරට ප්‍රකාශයට පත් කෙරුණි.
ස්වයං නිර්ණ අයිතිය, සම්ප්‍රදායික දෙමළ නිජබිම, දෙමළ ජාතිකත්වය මුල් කොටගත් දෙමළ ජනයාගේ එක්සත් අභිලාෂ මෙම ප්‍රකාශනයේ ඇතුලත් වන අතර එම අයීතින් රජය විසින් පිළිගත යුතුය යන්න එහි සඳහන් වේ.
පොංගු තමිල් ස්මාරකය
යාපනය විශ්ව විද්‍යාල සිසු සංගමයේ මුලිකත්වයෙන් 2018 වසරේ සැප්තැම්බර් 17 වැනි සඳුදා පොංගු තමිල් ස්මාරකය යාපනය විශ්ව විද්‍යාලයේදී විවෘත කර තිබුනි.
එම අවස්ථාවට එක්වෙමින් එවකට යාපනය විශ්ව විද්‍යාලයේ උප කුලපති රත්නම් විග්නේෂ්වරන් පවසා තිබුනේ පොංගු තමිල් ස්මාරකය දෙමළ ජනයාගේ අයිතීන් විදහා දක්වන සංකේතයක් වනු ඇති බවයි.
