ඒකකය (SOE Restructuring Unit) හිටි හැටියේම වසා දමා ඇතැයි වාර්තා වේ.
මෙම ඒකකය පවත්වාගෙන යාම සඳහා වසර දෙකකට (2023-2024) රුපියල් කෝටි දොළහකට වැඩි මුදලක් වැය කර ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.
මින් කෝටි හයක්ම වැය කර ඇත්තේ එම ඒකකයේ සේවකයන්ට පඩි නඩි ගෙවීම සඳහා බව ජාතික විගණන කාර්යාලය පවසයි. එය එහි සමස්ත වියදමින් සියයට 48 කි.
කෙසේ වෙතත් මෙම ඒකකයේ මෙහෙයුම් කටයුතු පසුගිය වසරේ පෙබරවාරි මස සිට තාවකාලිකව අත්හිටුවා ඇතැයි විගණන නිලධාරීන් නිරීක්ෂණය කර ඇත.
මෙම තොරතුරු සඳහන් වන්නේ 2024 විගණන වාර්තාවේය. වැඩබලන විගණකාධිපති ධර්මපාල ගම්මන්පිල ගේ අත්සනින් යුතුව එම වාර්තාව නිකුත් කෙරිණි.
( lankalokaya | අසේල පෙරේරා)
