අප වෙත ලැබී තිබෙන තොරතුරු අනුව ඔහු විසින් අන්තර් පාර්ලිමේන්තු සංගමය, පොදුරාජ්‍ය මණ්ඩලිය පාර්ලිමේන්තු සංගමය, පාර්ලිමේන්තු මහලේකම්වරුන්ගේ ජාත්‍යන්තර සංසදය සහ ජිනීවා මානව හිමිකම් කොමිසම යන ආයතන වලට මේ සම්බන්ධයෙන් පැමිණිලි කිරීමට අවශ්‍ය පියවර දැනටමත් ගෙන ඇතැයි වාර්තාවේ.
පාර්ලිමේන්තුවේ කාර්ය මණ්ඩලයේ දෙවැනි ජ්‍යෙෂ්ඨම නිලධරයා වන තමන්ට එරෙහිව චෝදනාවක් තිබේ නම් ඒ පිළිබඳව මූලික පරීක්ෂණයක් කැඳවා තමන්ටද කරුණු ඉදිරිපත් කිරීමට අවස්ථාවක් හිමි විය යුතුව තිබු නමුත් එසේ නොකර එක්වරම වැඩ තහනම් කිරීමෙන් ස්වාභාවික යුක්ති මූලධර්මපවා කථානායකවරයා විසින් කඩ කර ඇතිබවද අදාළ පැමිණිල්ලේ සඳහන් වන බව දැනගන්නට තිබේ.
දිවයිනේ සිටින ප්‍රවිණතම ජනාධිපති නීතිඥ මඩුල්ලක් විසින් චමින්ද කුලරත්න වෙනුවෙන් මෙම පැමිණිලි සකස් කරමින් සිටින බවද සඳහන්ය.
ජාත්‍යන්තර සංවිධාන වලට පැමිණිලි කිරීමට අමතරව මෙරට අභියාචනාධිකරණයෙහි මීට අදාලව නඩුවක් ගොනු කිරීමටත් එම නීතිඥ පිරිස අවශ්‍ය කටයුතු කරමින් සිටින බව දැන ගන්නට ඇත.
(lankalokaya | රන්ජිත් ආනන්ද ජයසිංහ)
සබැඳි පුවත :
පාර්ලිමේන්තු නියෝජ්‍ය ලේකම් චමින්ද කුලරත්නගේ වැඩ තහනම් කරයි !
