ඔහු මේ බව ප්‍රකාශ කර සිටියේ ඊයේ (29) කොලඹ මහේස්ත්‍රාත් අධිකරණයට පැමිණි අවස්ථාවේදී මාධ්‍යවෙදීන් නැගූ ප්‍රශ්නවලට පිළිතුරු ලබා දෙමිනි.
මෙහිදී වැඩිදුරටත් අදහස් දැක්වූ නාමල් රාජපක්ෂ,
තිබුනටත් වඩා සිස්ටම් එක පස්සට ඇදගෙන යන ගමන්...
“කාලිංග විශ්ව විද්‍යාලයෙන් මට ආරාධනා කරලා තිබුණා විශේෂ දේශනයකට ඉන්දියානු ජනරජ දිනයේදී. ඉතින් මමත් අපේ මන්ත්‍රී කණ්ඩායමක් විශ්ව විද්‍යාලයට සම්බන්ධ වෙලා දේශනය කරලා ආවා. ඉතින් මෙහේ සමහර අය කලබල වෙලා යම්කිසි කෙනෙක්ට දේශනයක් දෙන්න විශ්ව විද්‍යාලයකට ආරාධනා කරාම කලබල වෙන්න ඕන නෑ. ඒ නිසා ඉතින් ඒ අයට කියන්න ඕන මේක පළවෙනි දේශනයක් නෙවෙයි තව ඉස්සරහට තව යන්නත් තියෙනවා. මට ලැබෙන පිළිගැනීමද, තවත් කෙනෙක්ට ලැබෙන පිළිගැනීමද හොයනවට වඩා ආණ්ඩුව ආපු කාරණය කරගන්න බැරි උන නිසා තමයි කලබල වෙලා තියෙන්නේ.
මේ අය ආවේ රටේ ජනතාවට සේවය කරන්න සහ මේ සිස්ටම් එක වෙනස් කරන්න. ඉතින් තිබුනටත් වඩා සිස්ටම් එක පස්සට ඇදගෙන යන ගමන් මේ සම්පූර්ණ සිස්ටම් එක විනාශ කරගෙන යන තැනට මේ ආණ්ඩුව කටයුතු කරනවා. ඒ නිසා තමයි මට දැනෙන්නේ මේ අය කලබල වෙලා තියෙන්නේ කියලා. මොකද ඒ අයටත් දැනෙනවා ඇති දැන් ටික ටික සමාජය තුළින් රට තුළින් තමන්ට විරෝධයක් එල්ල වෙන කියන කාරණය ගැන.
ජනවාරි මාසේ මාව හිරේ දානවා කියලා කිව්වා ....
ඔව් දැන් මීට මාස කිහිපයකට පෙර පාර්ලිමේන්තුව ඇතුළම එක්තරා ඇමතිවරයෙක් නැගිටලා කිව්වනේ ජනවාරි මාස හිරේ දානවා කියලා. පාර්ලිමේන්තුවේ කැබිනට් අමාත්‍යවරයෙක් ඉස්සරහ පේලියේ නැගිටලා කිව්වා ජනවාරි මාසෙ බලාගමු හිරේ දානවා කියලා අවශ්‍ය කැඳවීම වෙන්නත් පුළුවන්. හැබැයි ඉතින් මට කණගාටුයි. අන්දරේ රජවෙලා . අද රජ අන්දරේ කෙනෙක් වෙලා ඉන්නකොට පැලවත්තෙන් පත් කරපු පොලිස්පතිවරයා රටේ පොලිසිය ක්‍රියාත්මක වන ආකාරය පිළිබඳව දන්නේ නෑ.
මට අපරාධ පරීක්ශණ දෙපාර්තමේන්තුවට එන්න කියලා ලියුම එන්න සතියකට පෙර හම්බන්තොට උසාවියට මෝසමක් දාලා, පොලිසියත් කැඳවලා උසාවියට මට පෙනී සිටින්න එදිනට වෙන්නෑ කියලා කියලා දැනුම් දුන්නා. මාධ්‍යයෙත් ගියා. ඒ එක්කම ඉතිං මාලිමාවේ සම්බන්ධ බොහෝ අය කලබල වෙලා මට බනින්නත් පටන් ගත්තා. හැබැයි අනිත් පැත්තට උදේ නවය හමාරට පෙනී හිටින්න කියලා නමයයි පනහට ලියුමක් ගෙනත් දෙනවා තංගල්ලට. පොලිස්පතිවරයා දන්නේ නෑ තංගල්ල ඉඳලා කොළඹට තියෙන දුර ගැන. ඉතින් නමය හමාරට එන්න කියලා නමයයි පනහට ලියුම ගෙනත් දීලා තංගල්ලෙන් කොළඹට එන්න කිව්වම කොහොමද එන්නේ?
අනික එදා දිනේ කොහොමත් හම්බන්තොට උසාවි දිනේ. ඒ නඩුවත් පොලිසිය තමයි මෙහෙයවන්නේ. ඒ නඩුවත්, අර උද්ඝෝෂණයට ගිහිල්ලා හම්බන්තොට වරාය සහ ගුවන් තොටුපළ බේරගන්න. ඒ පොලිස්පතිවරයා කොහෙද සංවිධානාත්මක අපරාධ නවත්වන්නේ පොලිස්පතිවරයා දන්නේ නැත්නම් තමන්ගේ පොලිසිය මොන අධිකරණයද මොන තැන්ද ක්‍රියාත්මක වෙන්නේ කියලා. ඔහු ඊට පස්සේ එතනින් එහාට සංවිධානාත්මක අපරාධ වළක්වගන්නව තියා රටේ ජනතාවගේ ජීවිත ආරක්ෂා කරගන්නවත් මේ පොලිසියට හැකියාව ලැබේද කියලා පොලිස්පතිවරයා සමග පොලිසියට හැකියාවක් ලැබේද කියලා ප්‍රශ්නයක් තියෙනවා.
ජනාධිපතිවරයා දීපු චෙක් ටික බවුන්ස් වෙලා රිටන් වෙලා...
ඉතින් ඒ නිසා අපි පැහැදිලිවම කියන්නේ කරුණාකරලා අන්න අර ජනාධිපතිවරයා දීපු චෙක් ටික බවුන්ස් වෙලා රිටන් වෙලා. දැන් සාමාන්‍ය ව්‍යාපාරිකයෙක් හෝ සාමාන්‍ය මාධ්‍යවේදියෙක් විදියට ඔබ දීපු චෙක් එකක් රිටන් වුනොත් මොකද කරන්නේ? ඔබ ලබා දුන්නු චෙක් එකක් අගරු වුනොත් මොකද වෙන්නේ? ජනාධිපති දුන්න චෙක් ටික රිටන් වෙලා. සුළි කුණාටුවට අහුවෙච්ච ජනතාවට ෂෝ එක නම් දානවා උත්සව කරනවා මෙහේ චෙක් රිටන් වෙනවා.දැන් තමයි ඇත්තටම බංකොලොත් වෙලා තියෙන්නේ කලින් බංකොලොත් කිව්වට චෙක් රිටන් උනේ නෑනේ.
වර්තමාන ජනාධිපතිවරයට වුණත් ඔහුගේ ජීවන රටාව සම්බන්ධයෙන් අපි චෝදනා නගන්නෙ නෑ. පොලිසිය වට කරගෙන ජොගින් යනවා දැක්කා. අපි ඒකට වැරැද්දක් දකින්නේ නෑ ඔහු ජනාධිපතිවරයෙකු ලෙස ආරක්ෂා වෙන්න ඕන ඒ වගේම ජනාධිපතිවරයෙක් රාජකාරී මට්ටමෙන් තීන්දුවක් තීරණයක් ගත්තම ඒ තීන්දුව ආරක්ෂා කරේ නැත්නම් මේ සිස්ටම් එක කඩා වැටෙනවා මින් ඉදිරියට කිසි කෙනෙක් තීන්දු තීරණ ගන්නේ නෑ, කිසිම රාජ්‍ය නායකයෙක් තීන්දු තීරණ ගන්නේ නෑ .
මතක තියාගන්න ඕනේ රටක් රාජ්‍යයක් පාලනය කිරීම හුදෙකලාව කටයුතු කරන්න බෑ ගෝලීය දේශපාලනය ඇතුළෙ අපි ඉන්නෙ.ඉතින් මේ රටේ නායකයො හිතනවා නම් මේ රටේ හැංගිලා මේ රට ඇතුළත විතරක් තියාගෙන රටින් එළියට යන්නේ නැතුව පැලවත්ත වටේ ඉඳන් රට පාලනය කරගන්න පුළුවන් කියලා ඒක විහිළුවක්. පැලවත්ත ඇතුලෙ තියාගෙන රාජ්‍යයක් පාලනය කරන්න බෑ කියන එකත් මතක තියාගන්න ඕන.
විනිශ්චකාරවරු සම්බන්ධයෙනුත් ගැටලු මතු වෙලා ....
ගරු විනිශ්චකාරවරු සම්බන්ධයෙනුත් මෙවැනිම ආකාරයේ ගැටලු මතු වෙලා තියෙනවා. ඔවුන්ට ස්ථාන මාරුවීම් දුන්නා තවමත් සමහර විනිශ්චකාරවරුන්ගේ දරුවන්ට පාසලුත් නෑ. අත්තනෝමතික විදියට ආණ්ඩුව අධිකරණ පද්ධතියට ඇඟිලි ගහන්න උත්සාහ කරනවා. පොලිසියට ඇඟිලි ගහන්න උත්සාහ කරනවා. ඔය පොලිසිය පහුගිය කාලේ හරියට වැඩ කරන නිලධාරීනුත් මාරු කරලා තියෙන්නේ. ආණ්ඩුවට තමන්ගේ උවමනාව පරිදි මේ ආයතන ක්‍රියාත්මක වෙන්නේ නැත්නම් ආණ්ඩුවේ මැති ඇමතිවරු හිතන් ඉන්න දේ උනේ නැත්තං ඔවුන් හිතන් ඉන්න විදිහට පොලිසිය හැසුරුණේ නැත්නම් අධිකරණයේ හැසිරෙන්නේ නැත්නම් නීතිපති දෙපාර්තමේන්තුව හැසුරනේ නැත්නම් ඒක ඔවුන්ට හොඳ නෑ ....
හැබැයි ඔවුන් කියන විදිහට ගල් අඟුරු ගෙනාවම දඩයක් ගහලා යවන්න පුලුවන්නම් බාල ගල් අඟුරු ගෙනල්ලා කොටි හත්සිය පනහක් ටෙන්ඩර් කඳවන්නැතුව සීමිත ටෙන්ඩරයකින් කැදවලා එළියට දෙන්න පුළුවන් නම් , කන්ටේර් තුන්සීය විසිතුනක් එළියට පන්නන්න පුළුවන්නම්, තුනක, කුඩු තියෙනවා කියලා දැනගෙනත් ඔවුන්ට ඕන වෙලාවකට පන්නන්න පුළුවන් නම් එතකොට පොලිසියත් හොඳයි නීතිපතිතුමත් හොඳයි අධිකරණයත් හොඳයි හැබැයි ඔවුන්ට විරුද්ධව යනකොට තමයි මේ එකක්වත් ඔවුන්ට හොඳ නැති වෙන්නේ කරුණාකරලා දැන්වත් ආණ්ඩුව මේක තේරුම් අරගෙන යථාර්ථය තේරුම් අරගෙන කටයුතු කරන්න ඕන. ඉතින් ආණ්ඩුවේ වංචාවල් වහගන්න ගල් අඟුරු වංචාව වහගන්න කන්ටේනර් පන්නපුව වහගන්න අපිව අධිකරණෙට කැදවලා ඵලක් වෙන්නෙ නෑ.''
