දකුණු පළාත් පාලන කොමසාරිස් උමංගා එරන්දි මෙනඩිස් ගේ ප්‍රධානත්වයෙන් නව සභාපතිවරයකු තෝරාපත් කරගැනීමේ ඡන්ද විමසිම සිදු කෙරිණි.
පැවැති ඡන්ද විමසීමේදී විපක්ෂයේ පක්ෂ නියෝජනය කරමින් සමගි ජන බල වේගයේ එම්.එච්.රසික් ප්‍රියංකර ගේ නම ද ජාතික ජනබල වේගයෙන් චින්තක දර්ශණ හේවාපතිරණ ගේ නම ද යෝජනා කළේය.
ඒ අනුව පැවති ඡන්ද විමසිමේදි ජාතික ජන බල වේගයේ චින්තක දර්ශන හේවාපතිරණ ඡන්ද 22ක් ලබා ගත් අතර සමගි ජනබල වේගයේ එම්.එච්රසික් ප්‍රියංකර ට හිමි වූයේ ඡන්ද 21කි.
ඡන්ද 02ක් ප්‍රතික්ෂේප විය. වැලිගම ප්‍රාදේශිය සභාවේ මුළු සභික සංඛ්‍යාව 45කි.
පැවැති පළාත් පාලන ඡන්දයෙන් ජාතික ජනබලවේගය සභික ආසන 22ක් ද ඒකාබද්ධ පොදු විපක්ෂට සභික ධුර 23ක් ද හිමිවූ අතර සජබ වැලිගම ආසන සංවිධායකව සිටි රෙහාන් ජයවික්‍රම ගේ මැදිහත්වීම මත වැලිගම ප්‍රදේශීය සභාවේ සභාපති ධුරය දිනාගැනීමට ලසන්ත වික්‍රමසේකරට හැකිවිය.
කෙසේවුවද මාස කිහිපයකට පෙරදී ලසන්ත වික්‍රමසේකර මහතා සහසික වෙඩි ප්‍රහාරයකට ලක්ව ඝාතනයට පත්විය.
