බොරැල්ල ප්‍රදේශයේ පදිංචි ඉසුල දම්සිත් ජයරත්න නමැති සිසුවා විසින් මෙම පෙත්සම ගොනු කර තිබිණ.
එය විභාග කිරීමෙන් අනතුරුව ජනක් ද සිල්වා, සෝභිත රාජකරුණා යන විනිසුරුවරුන්ගේ එකඟත්වය ඇතිව ශ්‍රේෂ්ඨාධිකරණ විනිසුරු අර්ජුන ඔබේසේකර විසින් මෙම තීන්දුව ප්‍රකාශයට පත් කර තිබේ.
කොළඹ රාජකීය විද්‍යාලයෙන් අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටි තමන් එම විභාගයෙන් සමත් වූ බවත්, තම පියා ශ්‍රී ලංකා ගුවන් හමුදාවේ ගෲප් කපිතාන්වරයෙකු වශයෙන් සේවය කරමින් සිටියදී රුසියාවේ ශ්‍රී ලංකා තානාපති කාර්යාලයේ ආරක්ෂක උපදේශක තනතුරක් ලැබීමෙන් අනතුරුව තමා රුසියාව බලා පිටත්ව ගිය බවත් පෙත්සම්කරු කියා සිටියි.
එහිදී ඉන්දියානු, පකිස්ථානු හා බංග්ලාදේශ සිසුන් ඉගෙනුම ලබන පාසලකින් ජේෂ්ඨ පාසල් සහතික පත්‍ර විභාගය සමත් වූ බවත් එය ශ්‍රී ලංකාවේ අධ්‍යයන පොදු සහතික පත්‍ර උසස් පෙළ විභාගයට සමාන විභාගයක් බවත් පෙත්සම්කරු කියා සිටියි.
ඉන් පසුව තමා විදේශ කටයුතු අමාත්‍යංශය හරහා මෙරට රජයේ විශ්ව විද්‍යාලවල වෛද්‍ය පීඨයට ඇතුළත් වීම සඳහා අයඳුම් පතක් ඉදිරිපත් කළ අතර ඊට අදාල නිර්ණායකයන්ට තමා අයත් නොවන බව සඳහන් කරමින් අදාළ අයදුම්පත මෙරට විදේශ කටයුතු අමාත්‍යශය විසින් ප්‍රතික්ෂේප කළ බවට ඔහු චෝදනා කරයි.
මේ තුළින් සිය මූලික මිනිස් අයිතිවාසිකම් උල්ලංඝනය වී ඇති බවත් එම සිසුවා සිය පෙත්සම තුළින් සඳහන් කර තිබිණ.
| nethnews
