හිටපු අමාත්‍ය කෙහෙළිය රඹුක්වැල්ල ගේ වැඩිමහල් දියණිය වන චමිත්‍රී ජයනිකා රඹුක්වැල්ල ඇප මත මුදාහැරීමට අධිකරණයට නියෝග කළේය.
ඒ, කොළඹ ප්‍රධාන මහේස්ත්‍රාත් අසංග බෝදරගම ගේ නිල මැදිරියට අද (06) පස්වරුවේ ඉදිරිපත් කිරීමෙන් අනතුරුවය.
එහිදී ඉදිරිපත් වූ කරුණු සලකා බැලූ මහේස්ත්‍රාත්වරයා, සැකකාරිය රුපියල් මිලියන 5 බැගින් වූ ශරීර ඇප දෙකක් මත මුදාහරින්නැයි නියෝග කළේය.
හිටපු අමාත්‍ය කෙහෙළිය රඹුක්වැල්ල විසින් අයථා ලෙස උපයන ලද මුදල් විශුද්ධීකරණය කිරීමට සහය සහ ආධාර අනුබල ලබාදීමේ චෝදනාවට අදාළව ඔහුගේ වැඩිමහල් දියණිය අද දහවල් අත්අඩංගුවට ගෙන තිබුණි.
අයථා ලෙස උපයා ගන්නා ලද මුදල් විශුද්ධිකරණය කිරීම සඳහා සහාය ලබා දුන්නේ යැයි චෝදනා කරමින් මීට පෙර අවස්ථාවකදී සැකපිට අත්අඩංගුවට ගෙන අධිකරණයට ඉදිරිපත් කළ රත්මලාන ප්‍රදේශයේ පදිංචි මැණීක් ව්‍යාපාරික සෙනෙවිරත්න බණ්ඩාර රඹුක්වැල්ල මේවනවිට රිමාන්ඞ් බාරයට පත් කර සිටියි.
