ඔහු මේ බව ප්‍රකාශ කළේ, අද (15) වලව වම් ඉවුර ගොවි සංවිධානය, හම්බන්තොට සූරියවැව, අන්දර වැව සංවිධානය කර තිබූ ගොවි හමුව අමතමිනි.
ගොවි ජනතාව අතරම ගැටලු, අමනාපකම් ඇතිව තිබෙන බවත්, වන අලි ගම්වැදීම නිසා වගා හානි ඇති වීමත් ගැටුම්වලට හේතුවී ඇති බවත්, පෙන්වා දුන් සජිත් ප්‍රේමදාස, වන සතුන්ට වෙන් වූ රක්ෂිත කලාපවල සිදුවන විවිධ ක්‍රියාකාරකම් නිසා ගොවි ජනතාව පවා අසරණ වී ඇති බවත් අවධාරණය කළේය.
එවැනි විවිධ හේතු මත ගොවි ජනතාව අතර මතවාදී බෙදීම්, ගැටුම් ඇති කර නොගන්නා ලෙස ඉල්ලා සිටින බව ද විපක්ෂ නායක සජිත් ප්‍රේමදාස මෙහිදී පැවසිය.
මෙම ගොවි හමුවේදී වලව වම් ඉවුර ඒකාබද්ධ ගොවි සමිතියේ සභාපති මහින්ද සමරවික්‍රම ප්‍රදේශයේ අක්කර 1000 සෝලා ව්‍යපෘතියක් සඳහා යොදා ගැනීමේ සූදානමක් ගැන ඉදිරිපත් කළ අදහසක් මත තවත් ගොවීන් පිරිසක් අතර මතගැටුමක් ඇතිවී තිබිණ.
