එහි සභාපති තිළිණ නිරෝෂ් පෙන්වා දෙන්නේ, කළමනාකරණ පීඨය තුළ සිසුන් 2,000ක් පමණ ඉගෙනීම් කටයුතු සිදුකළ ද ඔවුන්ගේ ඉගැන්වීම් කටයුතු සඳහා ඇත්තේ මහාචාර්යවරුන් 12 දෙනෙකු පමණක් වීම හේතුවෙන් සිසුන්ගේ අධ්‍යන කටයුතුවලට දැඩි ලෙස බාධා එල්ල වී ඇති බවය.
"රජරට විශ්වවිද්‍යාලයේ කළමනාකරණ පීඨය තුළ මේ වනවිට 45%ක ආචාර්ය සහ මහාචාර්යවරු හිඟයක් පවතිනවා. මේ හේතුව නිසා ශිෂ්‍යයන්ගේ ඉගෙනිමේ කටයුතුවලට, අධ්‍යයන කටයුතුවලට දැඩි බාධාවක් මතුවෙලා. මේ වෙද්දි තිබෙන ප්‍රධානම ගැටලුව තමා පර්යේෂණ කටයුතු කරන්න අවශ්‍ය දැනුම ලබාගන්න මහාචාර්යවරු නොමැති තත්ත්වයක් තියෙන්නේ. ඒ තුළ සිසුන්ගේ පර්යේෂණ කටයුතුවල පසුබෑමක් ඇතිවෙලා. රජරට විශ්වවිද්‍යාලයේ කළමනාකරණ පීඨයේ දෙපාර්තමේන්තු 6 තුළම සිසුන් 2,000කට ආසන්න ප්‍රමාණයක් ඉගෙනුම ලබනවා. කනගාටුවට කරුණ වෙන්නේ ඒ හැමෝටම මේ වෙද්දි ඉන්නේ මහාචාර්යවරුන් 12ක් දෙනෙක් විතරයි."
| adaderana
