එම ධුරයෙන් ඉල්ලා අස්වී තිබේ.
කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති වෙත ඇය ඊයේ (17) සිය ඉල්ලා අස්වීමේ ලිපිය යොමුකර ඇත.
තමා සිය ධුරයේ රාජකාරී කටයුතු ආරම්භ කළ දින සිට අවංකව සමාගමේ අභිවෘද්ධිය වෙනුවෙන් උපරිම දායකත්වයෙන් කටයුතු කළ බව ඇය එම ලිපියෙන් පවසයි.
ලංකා සීනි සමාගමට අනන්‍ය වූ නිති රාමුවක් තිබෙන බවත්, එම නීති පද්ධතියට යටත්ව තමා කටයුතු කළ බවත් එහි දැක්වේ.
කෙසේ නමුත් ඇතැම් දේශපාලඥයන් සිය දේශපාලන බලය උපයෝගී කරගනිමින් ආයතනයේ නීති පද්ධතිය උල්ලංඝනය කිරීමට තමාට බලපැම් කළ බව ඇය ලිපියේ දක්වා ඇත.
එසේ වුවත් තමාගේ සේවා කාලය තුළ, අදාළ චක්‍රලේඛ, රෙගුලාසි සහ ස්ථාපිත නීතිමය ක්‍රියා පටිපාටි උල්ලංඝනය කිරීමට නොහැකි බව ඇය දක්වා තිබේ.
මෙවැනි තත්ත්වයන් යටතේ තවදුරටත් තමන්ට රාජකාරි ඉටු කිරීමට නොහැකි හෙයින් තම වෘත්තීය ආචාර ධර්මවලට අනුකූලව ලංකා සීනි සමාගමේ සභාපති ධුරයෙන් ඉවත් වන බව ලිපියේ වැඩිදුරටත් සඳහන් කර තිබේ.
නීතිඥ සඳමාලි චන්ද්‍රසේකර වත්මන් රජය පත්වීමෙන් පසු ලංකා සීනි පුද්ගලික සමාගම සඳහා පත් කළ දෙවන සභාපතිනිය යි.
ලංකා සීනි සමාගමේ සභාපතිවරයා ලෙස පත් කරන ලද රුක්ෂාන් ගුණතිලක ද කෙටි කලකින් එම ධූරයෙන් ඉල්ලා අස්වූ අතර ඔහු එම ධූරයට පත් කරන ලද්දේ ද, වර්තමාන ආණ්ඩුව විසිනි.
සභාපතිනිය ඇතුළු පිරිසට එල්ල වී තිබෙන දේශපාලන බලපෑම් සම්බන්ධව දැනුවත් කර තිබේ දැයි බීබීසී සිංහල සේවය කළ විමසීමකදී විෂය බාර අමාත්‍ය සුනික් හඳුන්නෙත්ති පවසන්නේ "මම දැනුවත් වෙලා නැහැ," යි කියායි.
නීතිඥ සඳමාලි චන්ද්‍රෙස්ක ලංකා සීනි සමාගමේ සභාපති ධූරයෙන් ඉල්ලා අස්වීමට එවන ලද ඉල්ලා අස්වීමේ ලිපිය ලැබුණ බවත් අමාත්‍ය සුනිල් හඳුන්නෙත්ති බීබීසි සිංහල වෙත පවසා ඇත.
රජයේ ආයතනවල සභාපති, අධ්‍යක්ෂ මණ්ඩල සහ ප්‍රධානීන් ඇතුළු තනතුරු ගණනාවක වෙනස්කම් ඉදිරි දින කිහිපයේදී සිදුකිරීමට රජය අදහස් කරන බවත් ඊට අදාළ වෙනස්කම් ඉදිරියේදී දැනුම් දෙන බව කැබිනට් මාධ්‍ය ප්‍රකාශක, අමාත්‍ය නලින්ද ජයතිස්ස පෙබරවාරි 10 වන දා පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී කියා සිටියේ ය.
