සිය ගැටලු සම්බන්ධයෙන් අවස්ථා කිහිපයකදී බලධාරීන් දැනුම්වත් කළ ද මේ දක්වාත් ඊට විසදුම් ලැබී නොමැති බව එම වෘත්තීය සමිති සඳහන් කළේය.
ඒ අනුව අද මධ්‍යහන 12.00 සිට පස්වරු 6.00 දක්වා දිවයින පුරා සංඛේත වැඩ වර්ජනයක නිරත වන බව ලංකා විදුලිබල මණ්ඩලයේ කාර්මික ශිල්පින්ගේ සංගමයේ සභාපති කෝසල අබේසිංහ පැවසීය.
විදුලිබල මණ්ඩලය ප්‍රතිව්‍යුහගතකරණය යටතේ සියලු සේවකයන්ගේ සේවක අයිතිවාසිකම් උල්ලංඝනය වන බැවින් ඊට එරෙහි එක් පියවරක් ලෙස, මෙම සංකේත වැඩවර්ජනය ක්‍රියාත්මක කරන බව ඔහු තවදුරටත් පැවසීය.
රේගු නිලධාරීන්ගේ මීළඟ පියවර...
මේ අතර සිය ඉල්ලීම් සම්බන්ධයෙන් මුදල් නියෝජ්‍ය අමාත්‍යවරයා සමග අද පැවැත්වෙන සාකච්ඡාවේ ප්‍රතිඵල මත ඉදිරි වෘත්තීය සමිති ක්‍රියාමාර්ග තීරණය කරන බව රේගු වෘත්තීය සමිති පවසයි.
රේගු නිලධාරීන්ගේ සංගමයේ උප සභාපති ගීතාංජන මඩපාත පැවසුවේ පසුගිය අඟහරුවාදා දිනයේ සිට කළු පටි පැලැඳ රාජකාරී කටයුතු සිදුකිරීමේ වෘත්තීය සමිති ක්‍රියාමාර්ගය තවදුරටත් ක්‍රියාත්මක බවයි.
