ඒ අතර B52 ස්ටේල්ත් යානා ඇතුළු විවිධාකාර ප්‍රහාරක යානා, මිසයිල, ඩ්රෝන හා යුද නැව්ද වෙයි.
ඇමරිකා එක්සත් ජනපද මධ්‍යම විධානය විසින් ප්‍රකාශයට පත් කර ඇති එම ලේඛනයට අනුව ඔවුන් ඊශ්‍රායලය හා හවුලේ ඉරානයට ප්‍රහාර එල්ල කර ඇත්තේ නවීනතම RC – 135 ඉලෙක්ට්‍රොනික් නිරීක්ෂණ ගුවන් යානාද භාවිත කිරීමෙනි.
ඉරාන සෞඛ්‍ය අමාත්‍යාංශය ප්‍රකාශ කරන පරිදි ඉරානයේ ප්‍රාථමික බාලිකා පාසලක එල්ල වු ප්‍රහාරයකින් අවම වශයෙන් දැරියන් 180 දෙනකු මිය ගොස් ඇත.
2026 පෙබරවාරි 28 වැනිදා ආරම්භ කළ යුද තත්වය හමුවේ එක්සත් ජනපදය සහ ඊශ්‍රායලය විසින් ඉරානයේ නගර 130 කට වැඩි ගණනකට එල්ල කළ ප්‍රහාරවලින් ඉරානයේ පුද්ගලයන් 555 දෙනෙකු මිය ගොස් ඇති බව ඉරාන රතු අඩසඳ සංගමය සදහන් කරයි.
ඉරානයට ප්‍රහාර එල්ල කිරීම සදහා භාවිත කළ බවට ඇමරිකා එක්සත් ජනපද මධ්‍යම විධානය විසින් ප්‍රකාශයට පත් කර ඇති ප්‍රහාරක යානා ලේඛනය පහතින් දැක්වේ.
