පාර්ලිමේන්තුව අමතමින් ඊයේ (06) අදහස් දැක්වූ මන්ත්‍රීවරයා පෙන්වා දුන්නේ, එක්සත් ජාතීන්ගේ සමුද්‍රීය නීතියට (UN Maritime Law) අනුව මුහුදේදී සිදුවන අනතුරු වලදී මිනිස් ජීවිත බේරා ගැනීමට ශ්‍රී ලංකාව ජාත්‍යන්තර වශයෙන් බැඳී සිටින බවයි.
මෙම මානුෂීය මෙහෙයුම හරහා ශ්‍රී ලංකාව සිය ජාත්‍යන්තර වගකීම මනාව ඉටුකර ඇති බවත්, ඒ සඳහා ජනාධිපතිවරයා ලබා දුන් ක්ෂණික මැදිහත්වීම සහ නායකත්වය ඉහළින්ම අගය කළ යුතු බවත් ඔහු වැඩිදුරටත් අවධාරණය කළේය.
මෙම ක්‍රියාමාර්ගය තුළින් ජාත්‍යන්තර තලයේ ශ්‍රී ලංකාවේ ප්‍රතිරූපය තවදුරටත් වර්ධනය වන බවද ඔහු සිය කතාවේදී පැහැදිලි කළේය.
අමෙරිකාවෙන් ශ්‍රී ලංකාවට බලපෑම් ?
ඉන්දියන් සාගරයේදී ඇමෙරිකානු ටෝපිඩෝ ප්‍රහාරයකින් විනාශ වී ගිලී ගිය ඉරාන යුද්ධ නෞකාවේ සිට දිවි ගලවා ගත් පිරිස මෙන් ම ශ්‍රී ලංකා භාරයේ පසුවන දෙවන ඉරාන නෞකාවේ කාර්ය මණ්ඩලය ආපසු ඉරානයට නොයවන ලෙස එක්සත් ජනපදය ශ්‍රී ලංකා රජයට බලපෑම් කරමින් සිටින බව සිකුරාදා අභ්‍යන්තර රාජ්‍ය දෙපාර්තමේන්තු රහස්‍ය පණිවුඩයක් උපුටා දක්වමින් රොයිටර්ස් පුවත් සේවය වාර්තා කර තිබේ.
සබැඳි පුවත් :
ඉරාන නාවික කාර්ය මණ්ඩලය යළි භාර නොදෙන ලෙසට අමෙරිකාවෙන් ශ්‍රී ලංකාවට බලපෑම් ?
