අභාවප්‍රාප්ත වන විට ඔහු 51 වන වියේ පසු විය.
වකුගඩු රෝගී තත්ත්වයක් හේතුවෙන් කාලයක සිට ප්‍රතිකාර ලබමින් සිටි ඔහු අභාවප්‍රාප්ත වී ඇත්තේ ගාල්ල කරාපිටිය රෝහලේ ප්‍රතිකාර ලබමින් සිටියදීය.
සිරස TV ආයතනයේ විධායක වැඩසටහන් නිෂ්පාදකයෙකු ලෙස වසර කිහිපයක් සේවය කළ ඔහු එම කාලයේ ප්‍රසිද්ධියට පත් වුණේ "පරිසරයට විනාඩියක්" වැඩසටහන තුළිනි.
අනතුරුව පුවත්පත් කලාවට පිවිසි ඔහු පසුගිය කාලයේ ලංකාදීප පුවත්පත සමග කටයුතු කළ අතර මාධ්‍යවේදියෙකු සේම ඔහු ප්‍රවීණ ඡායාරුප ශිල්පියෙක් ද වූවේය.
ඒ මහතාගේ දේහය මේ වනවිට ගාල්ල වක්වැල්ලේ ඔහුගේ නිවසේ තැන්පත් කර ඇති අතර අවසන් කටයුතු හෙට(08) පස්වරු 6ට ගාල්ල දඩල්ල ආදාහනාගාරයේදී සිදු කිරීමට නියමිතය.
