ලෝකයේ දියුණු බොහෝ රටවල ඉන්ධන මිල ගණන්වල සිදුවන උච්චා වචනයන්ගෙන් වන පීඩාවන් අවම කර ගැනීමට මෙවැනි අරමුදල් පිහිටුවා ඇතැයිද ඔහු කීය.
උදාහරණයක් ලෙස තායිලන්තය ගෙනහැර දැක්විය හැකි බව කී මහාචාර්යවරයා එවැනි අරමුදල් මෙරටේ පිහිටුවීම පිළිබඳව අවස්ථා ගණනාවකදී මෙරට ප්‍රතිපත්ති සම්පාදකයින්ගේ අවධානයට යොමුවූ බවද කියා සිටියේය.
කෙසේ නමුත් එවැන්නක් පිහිටුවීමට මෙතෙක් අපොහොසත්වී තිබීම තව දුරටත් සිදු නොවිය යුත්තක් බව පැහැදිලි කළ මහාචාර්යවරයා වත්මන් පාලනය විසින් හෝ ප්‍රතිපත්ති සම්පාදකයින් විසින් එම අඩුපාඩුව මකා දැමීමට පියවර ගතයුතුව ඇතැයි යෝජනා කර සිටී.
(සටහන | ජේ.මුණසිංහ)
