ඉල්ලා සිටියි.
පාරිභෝගිකයින් මත පැටවෙන බර අඩු කිරීම සඳහා මෝදි පරිපාලනය පෙට්‍රල් සඳහා ඇති විශේෂ අතිරේක බදු අඩු කිරීමටත් ඩීසල් සඳහා ඇති බදු සම්පූර්ණයෙන්ම ඉවත් කිරීමටත් තීරණය බව විපක්ෂ නායකවරයා සිය ‘X’ ගිණුමේ සදහන් කර ඇත.
“ඉන්දීය ජනතාවට ඇති දුෂ්කරතා අවම කිරීම සඳහා නරේන්ද්‍ර මෝදි පාලන රජය විසින් පෙට්‍රල් සඳහා ඇති විශේෂ අතිරේක බදු අඩු කිරීමටත් ඩීසල් සඳහා ඇති බදු සම්පූර්ණයෙන්ම ඉවත් කිරීමටත් තීරණය කර තිබේ. එබැවින් වත්මන් ජනාධිපති අනුර කුමාර දිසානායක මහතා ද තම මැතිවරණ පොරොන්දුව ඉටු කිරීමට කාලය එළැඹ තිබේ.” යනුවෙන් එහි සදහන් වේ.
අමෙරිකාව, ඊශ්‍රායලය සහ ඉරානය අතර පවතින යුද්ධය හේතුවෙන් ඉන්ධන සැපයුමේ බලපෑම්වලට මුහුණ දීම සඳහා ශ්‍රී ලංකාව ඇතුළු රටවල් කිහිපයක් හදිසි පියවර හඳුන්වා දී තිබේ.
මාර්තු මස අග ඉන්ධන මිල සංශෝධනයක් නැහැ !
මේ අතර මැදපෙරදිග පවතින අර්බුදකාරී වාතාවරණය හමුවේ මෙරට ඉන්ධන කළමනාකරණය සහ වත්මන් තත්ත්වය පිළිබඳව දැනුවත් කිරීම සඳහා රජයේ ප්‍රවෘත්ති දෙපාර්තමේන්තුවේදී අද (28) පැවැති මාධ්‍ය හමුවකදී අදහස් දැක්වූ ලංකා ඛනිජ තෙල් නීතිගත සංස්ථාවේ සභාපති, ඩී.ජේ.ඒ.එස්. ද එස්. රාජකරුණා පවසියේ, මාසිකව සිදු කරන ඉන්ධන මිල සංශෝධනය මේ මස සිදු නොකරන බවයි.
ගෝලීය තෙල් මිලෙහි උච්ඡාවචනයන් මධ්‍යයේ මාර්තු මාසයේදී සිදු කරන ලද බහුවිධ මිල සංශෝධනවලින් පසුව මෙම තීරණය ගෙන ඇත.
මැදපෙරදිග ගැටුමට සම්බන්ධ සැපයුම් බාධාවන් මධ්‍යයේ මාර්තු 9වැනිදා ඉන්ධන මිල ප්‍රථම වරට වැඩි කරන ලද අතර, පසුව මාර්තු 20 වන දින තවත් සංශෝධනයක් සිදු කරන ලදී. එහි ප්‍රතිඵලයක් ලෙස මාසය තුළ ප්‍රධාන ඉන්ධන කාණ්ඩ හරහා 35% ක පමණ සමුච්චිත වැඩිවීමක් සිදුවිය.
මේ අතර ඉන්ධන කෝටාව යාවත්කාලීන කිරීම අද මධ්‍යම රාත්‍රීයේදී සිදු කරන බව ද රාජකරුණා වැඩිදුරටත් ප්‍රකාශ කළේය.
