රක්ෂිත බන්ධනාගාරගත කිරීමට ගල්කිස්ස මහේස්ත්‍රාත් අධිකරණය අද (2) නියෝග කළේය.
2006 වසරේ දී නැගෙනහිර පළාතේ උපකුලපතිවරයෙකු අතුරුදහන් වීම සම්බන්ධයෙන් සිදු කරන ලද පරීක්ෂණවලට අදාළව නීතිපතිවරයාගේ උපදෙස් ලැබෙන තෙක් මෙලෙස ඔහු රක්ෂිත බන්ධනාගාර ගතකරනු ලැබිය.
අධිකරණ ක්‍රියාදාමයන්ට අනුව, පිල්ලෙයාන් අධිකරණයට ඉදිරිපත් කරන ලද්දේ රැඳවුම් නියෝග යටතේ වසරකට ආසන්න කාලයක් රඳවා තබාගැනීමෙන් පසුව වන අතර, එම කාලය තුළ ඔහු අධිකරණයට ඉදිරිපත් කර නොතිබිණි.
ඔහු දිගු කාලයක් අත්අඩංගුවේ පසුවීමෙන් පසු කැපීපෙනෙන ලෙස නව පෙනුමකින් පෙනී සිටිනු දැකගත හැකිවිය.
නීතිපතිවරයාගේ නිරීක්ෂණ අනුව වැඩිදුර නීතිමය පියවරයන් අපේක්ෂා කරන අතර, නඩුව සම්බන්ධයෙන් පොලිසිය අඛණ්ඩව පරීක්ෂණ පවත්වයි.
'පිල්ලෙයාන්' හෙවත් සිවනේසතුරෙයි චන්ද්‍රකාන්තන් පසුගිය වසරේ අප්‍රේල් 8 වන දා අපරාධ පරීක්ෂණ දෙපාර්තුමේන්තුව මගින් අත්අඩංගුවට ගනු ලැබුවේ නැගෙනහිර විශ්වවිද්‍යාලයේ 2004 සිට 2006 දක්වා උපකුලපති ලෙස කටයුතු කළ මහාචාර්ය සිවසුබ්‍රමනියම් රවිද්‍රනාත් පැහැරගෙන යාම සහ ඔහු අතුරුදන් කරවීම සම්බන්ධයෙන් සිදු කෙරෙන විමර්ශනයකට අදාළවය.
එම අතුරුදන්වීම සම්බන්ධව අපරාධ පරීක්ෂණ දෙපාර්තුමේන්තුව 2006 වසරේ විමර්ශනයක් ආරම්භ කළ අතර එහිදී මහාචාර්යවරයා පැහැරගෙන ඇති බවට අනාවරණය වී තිබිණි.
එම සිදුවීමෙන් වසර 19කට පමණ පසු අදාළ සිදුවීම සම්බන්ධයෙන් සිදු කෙරෙන විමර්ශනයකට අදාළව පිල්ලෙයාන් හෙවත් සිවනේසතුරෙයි චන්ද්‍රකාන්තන් අත්අඩංගුවට ගැනිණි.
පිල්ලෙයාන් යනු කවුද?
පිල්ලෙයාන් හෙවත් සිවනේසතුරෙයි චන්ද්‍රකාන්තන් 1990 වසරේදී එල්.ටී.ටී.ඊ සංවිධානයට එක් වූ අතර එවකට ඔහු 16 වන වියේ පසුවිය.
එතැන් සිට 2004 වසර දක්වා ඔහු එම සංවිධානයේ කටයුතු කළ අතර 2004 වසරේදී ඉන් ඉවත් වී කරුණා අම්මාන් පාර්ශවය සමග කටයුතු කළේ ය.
ඔහු 2008 වසරේ සිට 2012 දක්වා නැගෙනහිර පළාත් මහ ඇමතිවරයා ලෙස කටයුතු කළේ ය.
එමෙන් ම බන්ධනාගාරගතව සිටිමින් 2020 වසරේ පැවති මහ මැතිවරණයට තරග කළ ඔහු මඩකලපුව දිස්ත්‍රික්කයේ වැඩි ම මනාප ලාභියා ලෙස පාර්ලිමේන්තුවට තේරී පත් විය.
රනිල් වික්‍රමසිංහ ජනාධිපති ධූරයට පත් වීමෙන් පසුව ඔහු ග්‍රාමීය මාර්ග සංවර්ධන රාජ්‍ය අමාත්‍ය ධූරයට පත් කළේ ය.
එතැන් සිට 2004 වසර දක්වා ඔහු එම සංවිධානයේ කටයුතු කළ අතර 2004 වසරේදී ඉන් ඉවත් වී කරුණා අම්මාන් පාර්ශවය සමග කටයුතු කළේ ය.
ඔහු 2008 වසරේ සිට 2012 දක්වා නැගෙනහිර පළාත් මහ ඇමතිවරයා ලෙස කටයුතු කළේ ය.
එමෙන් ම බන්ධනාගාරගතව සිටිමින් 2020 වසරේ පැවති මහ මැතිවරණයට තරග කළ ඔහු මඩකලපුව දිස්ත්‍රික්කයේ වැඩි ම මනාප ලාභියා ලෙස පාර්ලිමේන්තුවට තේරී පත් විය.
රනිල් වික්‍රමසිංහ ජනාධිපති ධූරයට පත් වීමෙන් පසුව ඔහු ග්‍රාමීය මාර්ග සංවර්ධන රාජ්‍ය අමාත්‍ය ධූරයට පත් කළේ ය.
