දැඩි ලෙස අවධාරණය කර තිබේ.
මලෛයහ ප්‍රතිසංස්කරණ සඳහා වන සිවිල් සමාජ එකමුතුව විසින් අගමැතිනි ආචාර්ය හරිනි අමරසුරියට ඒ බව අවධාරණය කර ඇත්තේ දිත්වා සුළි කුණාටුවෙන් පීඩාවට පත් ජනතාව වෙනුවෙන් ක්‍රියාකරන දිවයින පුරා සිවිල් සංවිධාන නියෝජිතයන් සහ අග්‍රාමාත්‍යවරිය අතර 2026 මාර්තු 28 වැනිදා අරලියගහ මන්දිරයේ පැවැති විශේෂ හමුවකදීය.
නිවසක් ඉදිකිරීමට සුදුසු ඉඩමක් දැනටමත් ඇති අය සඳහා රජය විසින් ලබා දීමට නියමිත රුපියල් මිලියන 5 ක මූල්‍ය ආධාරය ලබා දීමටත්, ප්‍රධාන නගර ආශ්‍රිතව පොදු පහසුකම් සහිත මහල් නිවාස සංකීර්ණ ඉදිකිරීමටත් සැලසුම් කර ඇති බවත් නිවාස ඉදිකිරීම් සහ ජල සම්පාදන අමාත්‍යංශයේ ලේකම් ඉංජිනේරු එල්. කුමුදුලාල් බෝගහවත්ත එම සාකච්ඡාවේදී සදහන් කළ බව අග්‍රාමාත්‍ය මාධ්‍ය අංශය නිවේදනය කර තිබේ.
මලෛයහ ජනතාව ජීවත්වන ප්‍රදේශ සදහා තට්ටු නිවාස නොගැලපෙන බව සිවිල් සංවිධාන නියෝජිතයන් දැඩි ලෙස අවධාරණය කර ඇත්තේ ඒ මොහොතේදිය.
ආපදාවෙන් පීඩාවට පත් මලෛයහ තමිල් ජනතාව යළි ගොඩනැගීම සදහා වන ප්‍රායෝගික යෝජනා 15 ක් සහිතව මලෛයහ ප්‍රතිසංස්කරණ සඳහා වන සිවිල් සමාජ එකමුතුව විසින් ජනාධිපතිවරයාට යොමු කළ ලිපියේ පිටපතක් මාර්තු 27 වැනිදා අග්‍රාමාත්‍ය කාර්යාලයට ද බාර දෙමින් ඒ සම්බන්ධයෙන් සාකච්ඡා කිරීම සදහා කඩිනමින් දිනයක් ලබා දෙන ලෙස ඔවුන් අගමැතිවරියගෙන් ඉල්ලා තිබුනි.
මලෛයහ ප්‍රතිසංස්කරණ සඳහා වන සිවිල් සමාජ එකමුතුව පවසන්නේ ඒ අනුව මාර්තු 28 වැනිදා අගමැතිවරිය සමග පැවැති සාකච්ඡාවේදී දිත්වා සුළි කුණාටුවෙන් පීඩාවට පත් ජනතාව යළි ගොඩනැගීමට කටයුතු කිරීම සහ විකල්ප සැලසුම් පිළිබඳ කරුණු රැසක් සාකච්ඡා කළ බවයි.
අගමැතිවරිය සමග පැවැති සාකච්ඡාවේදී මලෛයහ ප්‍රතිසංස්කරණ සඳහා වන සිවිල් සමාජ එකමුතුව විසින් මලෛයහ ජනතාව මුහුණ දෙන ප්‍රධාන කරුණු කිහිපයක්ම පැහැදිලි කර ඇති අතර නිවාස සහ ඉඩම් හිමිකම්, අන්තර්කාලින රැඳවුම් කඳවුරු තුළ මූලික පහසුකම්, ජීවනෝපාය, අධ්‍යාපනය, සෞඛ්‍ය, කාන්තා හා ළමා ආරක්ෂාව, යටිතල පහසුකම්, සහන ලබාදීමේදී සිදුවන අක්‍රමිකතා සහ වෙනස් කොට සැලකීම මුලික ලෙසම පෙන්වා දී තිබේ.
මලෛයහ ප්‍රතිසංස්කරණ සඳහා වන සිවිල් සමාජ එකමුතුව නිවේදනයක් නිකුත් කරමින් අවධාරණය කර ඇත්තේ පීඩාවට පත් මලෛයහ ජනතාවට රුපියල් ලක්ෂ 50 කට නො අඩු වටිනාකමකින් යුත් නිවාස සහ ඉඩම් ලබාදිය යුතු බව ද එම සාකච්ඡාවේදී අවධාරණය කළ බවයි.
මෙම ඉල්ලීම් අග්‍රාමාත්‍යවරිය, අත්‍යවශ්‍ය සේවා කොමසාරිස් ජනරාල් සහ අදාළ අමාත්‍යාංශ ලේකම්වරුන් වෙත ඉතා පැහැදිලිව ඉදිරිපත් කරමින් කඩිනම් විසඳුම් ඉල්ලා සිටි බව මලෛයහ ප්‍රතිසංස්කරණ සඳහා වන සිවිල් සමාජ එකමුතුව නිකුත් කළ මාධ්‍ය නිවේදනයේ වැඩි දුරටත් සදහන්ය.
“මෙම කරුණු සම්බන්ධයෙන් තමන් විශේෂ අවධානය යොමු කරන බවත්, මලෛයහ ජනතාව සඳහා සහන සහ යටිතල පහසුකම් සම්බන්ධයෙන් කැබිනට් පත්‍රිකාවක් ඉතා ඉක්මනින් ඉදිරිපත් කරන්න නියමිත බවත් අග්‍රාමාත්‍යවරිය ප්‍රකාශ කළේය. අත්‍යවශ්‍ය සේවා කොමසාරිස් ජනරාල් ප්‍රහාත් චන්ද්‍ර කීර්ති මහතා ද සඳහන් කළේ, අනෙකුත් ජනතාවට ලබාදෙන ආකාරයෙන්ම දිත්වා සුළි කුණාටුවෙන් පීඩාවට පත් මලෛයහ ජනතාවට ද රුපියල් ලක්ෂ 50කට නොඅඩු වටිනාකමකින් යුත් නිවාස සහ ඉඩම් ලබාදෙන බවයි.”
2025 වසරේ ඇති වූ සුළිකුණාටුව මගින් සිදු වූ හානිය යථා තත්වයට පත්කිරීම හා එම ක්‍රියාවලියට අදාල කමිටු හා අනුකමිටුවල වැඩපිළිවෙල කඩිනම් කිරීමට සැලසුම් කර ඇති බවත්, නිවාස 20,000 ක් අලුතින් ඉදි කිරීමටත්, අර්ධ හානි නිවාස එක්ලක්ෂ පහළොස් දාහක් නැවත ප්‍රතිසංස්කරණය කිරීමටත්, සැලසුම් කර ඇති බව නිවාස, ඉදිකිරීම් සහ ජල සම්පාදන අමාත්‍යංශයේ ලේකම් ඉංජිනේරු එල්. කුමුදුලාල් බෝගහවත්ත එහිදී සදහන් කළ කර තිබේ.
අග්‍රාමාත්‍ය මාධ්‍ය අංශය වැඩි දුරටත් නිවේදනය කර ඇත්තේ හානියට ලක්වූ නිවාස සංවර්ධනය කිරීමේදී ජනතාවට වඩාත් සුදුසු මෙන්ම නාගරික පොදු පහසුකම් සහිත ප්‍රදේශවල නිවාස ඉදිකිරීමටත්, නිරන්තරයෙන් ප්‍රජාව සමඟ සන්නිවේදනය කරමින් නැවත ආපදාවකට ලක් නොවන ස්ථානවල ඉදිකිරීම් සිදු කිරීම හරහා ජනතාවගේ ආරක්ෂාව තහවුරු කිරීමේ අවශ්‍යතාවය පිළිබඳ අග්‍රාමාත්‍යතුමිය එහිදී අවධාරණය කළ බවයි.
මලෛයහ ජනතාවට නොගැලපෙන කිසිදු ව්‍යාපෘතියක් ක්‍රියාත්මක කිරීමට ඉඩ නොදිය යුතු අතර පීඩාවට පත් ජනතාවගේ අයිතිවාසිකම් සම්පූර්ණයෙන් තහවුරු වන තෙක් සිය අඛණ්ඩ බලපෑම් සහ කටයුතු ඉදිරියට ගෙන යන බව මලෛයහ ප්‍රතිසංස්කරණ සඳහා වන සිවිල් සමාජ එකමුතුව අගමැතිවරිය සමග පැවැති සාකච්ඡාවේදී වැඩි දුරටත් අවධාරණය කර තිබේ.
