පොලිස්පති අණදෙන කොට්ඨාසය මගින් මීට අදාළ නියෝගය ප්‍රාදේශීය කොට්ඨාස භාර නිලධාරීන්, දිස්ත්‍රික් බාර නිලධාරීන්, මූලස්ථාන ප්‍රධාන පොලිස් පරීක්ෂකවරුන් හා ස්ථානාධිපතිවරුන් වෙත සිදුකර තිබේ.
ඉන්ධන හා බලශක්ති අරපිරිමැස්මෙන් භාවිත කරන ලෙසට රජය විසින් ලබාදී ඇති මාර්ගෝපදේශයන් ක්‍රියාත්මක නොවීම මත මෙම නියෝගය සිදුකර ඇත.
එක් එක් පොලිස් වසම්වල දල්වා ඇති වීදි ලාම්පු හා ප්‍රදර්ශන පුවරු සම්බන්ධයෙන් සවිස්තරාත්මක වාර්තා යොමුකරන ලෙසට පොලිස්පතිවරයා විසින් පසුගිය 02 වැනිදා නියෝගයක් කර ඇති අතර ඊට අදාළව පොලිස් ස්ථාන මට්ටමින් පසුගිය 03 වැනිදා යොමු කර ඇති වාර්තා නිරවද්‍යතාවය සම්බන්ධයෙන් සෑහීමට පත්විය නොහැකි බවට පොලිස්පතිවරයා විසින් දැනුම් දී තිබිණි.
ඒ අනුව විදුලි බල්බ සහිත ප්‍රදර්ශන පුවරු, අනවශ්‍ය ලෙස දල්වා ඇති වීදි ලාම්පු සංඛ්‍යාවක එක් එක් ස්ථාන වශයෙන් වෙන් වෙන්ම නම් කර ඊට අදාළ වාර්තා තමන් වෙත යොමුකරන ලෙසට පොලිස්පතිවරයා කරන ලද නියෝගයේ සඳහන්ය.
මෙම නියෝගය හේතුවෙන් රථවාහන රාජකාරි, අපරාධ හා දූෂණ මර්දන රාජකාරීවල නිරත පොලිස් නිලධාරීන් රැසක්ම පෙරේදා හා පසුගිය (03 වැනිදා) අදාළ රාජකාරිවලින් බාහිරව විදුලි කණු සහ ප්‍රදර්ශන පුවරු ගණනය කිරීමට යොදවා තිබූ බව පොලිස් ආරංචිමාර්ග කියා සිටියි.
( aruna | එෆ්. අස්ලම්)
