ශ්‍රී ලංකා පොදු ජන පෙරමුණ, එක්සත් ජාතික පක්ෂය, පොදුජන එක්සත් පෙරමුණ, ශ්‍රී ලංකා නිදහස් පක්ෂය, ජාතික නිදහස් පෙරමුණ , ශ්‍රී ලංකා මහජන පක්ෂය, පිවිතුරු හෙළ උරුමය, ඇතුළු විපක්ෂයේ ප්‍රධාන පක්ෂ රැසක් මෙම ජනහමුව නියෝජනය කරති.
ඒකාබද්ධ විපක්ෂයේ ඉදිරි ක්‍රියාමාර්ග සම්බන්ධයෙන් තීන්දු තීරණ ගැනීම සඳහා පසුගිය දිනවල පැවති සාකච්ජා වලට සමගි ජන බලවේගයේ නියෝජිතයින් ලෙස කබීර් හෂීම්, හර්ෂණ රාජකරුණා සහ සුජීව සේනසිංහ මන්ත්‍රීවරුන් සහභාගී ඇති නමුත් නුගේගොඩ රැලියට එම පක්ෂයේ සහභාගිත්වය මෙතෙක් තහවුරු කොට නොමැත.
ඒ අතර සර්වජන බලය පක්ෂයට සහ ශ්‍රී ලංකා ජනරජ පෙරමුණ පක්ෂයට මෙම රැලිය සඳහා මෙතෙක් ආරාධනා කොට නොමැති බවද දැනගන්නට තිබේ.
ඒකාබද්ධ විපක්ෂයේ පළමු මහජන රැළිය සම්බන්ධයෙන් මාධ්‍ය දැනුවත් කිරීම සඳහා වූ විශේෂ මාධ්‍ය හමුවක් 27 සඳුදා පෙරවරු 9.00ට කොළඹ නිපොන් හෝටලයේදී සංවිධානය කර ඇතැයි ඉහත ආරංචිමාර්ග වැඩි දුරටත් පවසයි.
