විශ්වවිද්‍යාලයේ කුලපති ආචාර්ය උපාලි මාම්පිටිය ගේ ප්‍රධානත්වයෙන් පැවැත්වුණු මෙම උත්සවයට උපකුලපති ජ්‍යෙෂ්ඨ මහාචාර්ය පී.එම්.සී. තිලකරත්න ඇතුළු ආචාර්ය මහාචාර්යවරුන් සහ සම්භාවනීය අමුත්තන් රැසක් සහභාගී වූහ.
මෙම පළමු අදියරේදී පීඨ හතරකට අයත් සිසු සිසුවියන් 2343 දෙනෙකු සිය උපාධි ලබා ගැනීම විශේෂත්වයකි. ඒ අනුව ඉංජිනේරු තාක්ෂණ පීඨය, අධ්‍යාපන පීඨය, මානව හා සමාජ විද්‍යා පීඨය, ස්වාභාවික විද්‍යා පීඨය යන පීඨයන්හි උපාධිධාරීන් මෙහිදී ඇගයීමට ලක් විය.
නව වසරේ උදාවත් සමඟ පැවැත්වුණු මෙම උත්සවය, මෙරට උසස් අධ්‍යාපන ක්ෂේත්‍රයේ විවෘත හා දුරස්ථ ඉගෙනුම් ක්‍රමය හරහා සාර්ථකත්වය ලැබූ තරුණ තරුණියන්ගේ සුවිශේෂී කඩඉමක් සනිටුහන් කළ අවස්ථාවක් විය.
