1200 x 80 DMirror
 
 

කොරෝනා දෙවෙනි රැල්ල ආරම්භ වීමත් සමගම වෙළෙඳපලේ බඩු මිළ ඉහල යාම

පිළිබඳව වාර්තා වීමත් සමග ජනාධිපතිවරයාගේ නියෝගය මත පරිප්පු, සිනී, ලොකු ලූනු හා සැමන් ආදී අත්‍යවශ්‍ය ආහාර ද්‍රව්‍ය 4 ක මිළ පහල දැමීමට රජය තීරණය කරන ලද බව රජයේ මාධ්‍යය වාර්තා කර තිබු නමුත් මේ දක්වා එම මිල පහත වැටීම විදිමත් පරිදි සිදුව නොමැත. 

මේ සම්බන්ධයෙන් කළ විමසීමකදී පාරිභෝගික ආරක්ෂාව අධිකාරියේ ජ්‍යෙෂ්ඨ නිලධාරියකු පැවසුයේ, අත්‍යවශ්‍ය ආහාර ද්‍රව්‍ය මිල පහල හෝ ඉහල දැමීමකදී පාරිභෝගික ආරක්ෂක අධිකාරිය, වෙළඳ අමාත්‍යංශය සහ මුදල් අමාත්‍යංශය යන සියලුම අංශ එකතු වී  ගැසට් නිවේදනයක් මගින් ප්‍රකාශයට පලකල යුතු වුවත් එම ක්‍රියාදාමය අද වනතුරුත් ක්‍රියාත්මක වී නොමැති බවයි. 

මෙම සියලුම භාණ්ඩ අතරින් වඩාත් සංවේදී වන්නේ සීනි මිළයි. 

ලංකාවට අවශ්‍ය සීනි මෙට්‍රික් ටොන් 600,000 ක් පමණ ආනයනය කරන අතර දේශීය වශයෙන් නිෂ්පාදනය කරන්නේ ටොන් 35,000ක් පමණකි.

''රජය සීනි මිළ අඩුකලත් එය නීත්‍යානුකූල නොමැති නිසා සීනි ආනයනිකයන් සහ පිටකොටුවේ වෙළඳුන් සීනි අලෙවි කරනුයේ පැවති මිලටමය. එනම් කිලෝ එකක් රුපියල් 125/=කටය. එවිට වෙලදපලෙ මිල රුපියල් 130.00 කි.''   රජය සීනි මිළ අඩුකලත් එය නීත්‍යානුකූල නොමැති නිසා සීනි ආනයනිකයන් සහ පිටකොටුවේ වෙළඳුන් සීනි අලෙවි කරනුයේ පැවති මිලටමය. 

එනම් කිලෝ එකක් රුපියල් 125/=කටය. වෙළෙඳපොළ මිළ රුපියල් 130/= කි.

බස්නාහිර පලාත අගුලු දමා ඇති අවස්ථාවක මාර්ගගත වෙළඳාම නැතිනම් online ස්ටෝස්වල මිළ සටහන් වන්නේත් රුපියල් 130/= ක් වශයෙනි.

 මේ සියලුම කාරණාවලට අමතරව සීනි මිළ පාලනය කරනු ලබන්නේ විශේෂ භාණ්ඩ විධිවිධාන පණත යටතේය. එනම් භාණ්ඩයක් ආනයනයේදී කිලෝවකට විශේෂ බද්දක් පැනවීම මඟිනි. එය මුදල් ඇමතිගේ වගකීමකි.

කෙසේවුවද සීනි කිලෝව රුපියල් අසූව බැගින් ලංකා සමුපකාර තොග වෙළෙඳ සංස්ථාවට ලබාදෙන ලෙස වෙළෙඳ අමාත්‍යාංශය කළ ඉල්ලීමට තොග වෙළෙන්දෝ ඊයේ (4 වැනිදා) එකඟ වී ඇති බවක් මාධ්‍ය විසින් වාර්තා කර  තිබුනි. 

 

සිනි ජාවාරම්කරුවන් ඉහගෙනම කයි ! -මිලියන 320 ක අයුතු ලාභයක් !!  

කෙසේ වුවද සීනි තොග ඇපකර ගුදම් පහසුකම යටතේ ආනයනය කර ගබඩා කර තිබු සමාගමක් තම 'බොන්ඩඩ් ගුදමේ' තිබූ සීනි ටොන් 8000 ක් සඳහා රජය විසින් අඩුකරනු ලැබූ බද්ද වූ ශත 25 පමණක් ගෙවා තම සීනි තොග නිදහස් කරගෙන ඇතැයි වාර්තාවේ.

ඔවුන් මේවනවිට සීනි අලෙවිය තාවකාලිකව නතර කර ඇති අතර ඒ සම්බන්ධයෙන් පාරිභෝගික ආරක්ෂක අධිකාරියේ සභාපතිටත්  කිසිවක් නොකල හැකි බව රජයේ ආරංචිමාර්ග මාර්ග පවසයි.

නමුත් අදාල සමාගමේ සාමාජිකයන් දෙදෙනෙකු පසු ගියදා භාණ්ඩාගාර නිලධාරීන්ට යෝජනා කර ඇත්තේ, නැවතත් රුපියල් 40 බද්ද ගැසට් කර සීනි පරණ මිලටම විකිනීමට අවස්ථාව සලසා දෙන ලෙසයි. 

එමඟින් මෙම සමාගම ලබා ගැනීමට අපේක්ෂා කරන අයුතු ලාභය රුපියල් මිලියන 320 ක් පමණ වේ.

අදාල සමාගමේ සාමාජිකයන් දෙදෙනෙකු පසුගිය දා භාණ්ඩාගාර නිලධාරීන් සමඟ සාකච්ඡා කර ඇත්තේ නැවතත් රුපියල් 40 බද්ද ගැසට් කර සීනි පරණ මිලටම විකිනිමටයි. එමඟින් මෙම සමාගම ලබා ගැනීමට අපේක්ෂා කරන අයුතු ලාභය රුපියල් මිලියන 320 ක් පමණ වේ.''

මේ සම්බන්ධයෙන් කළ විමසීමක දී මුදල් අමාත්‍යංශයේ ජ්‍යෙෂ්ඨ නිලධාරියෙකු පැවසුවේ කෙටි කාලයකින් මෙම බද්ධ නැවත යොදා ගැනීමට නොහැකි වුවහොත් ඉදිරියේදී 2021 අයවැය ලේඛණයට මෙම බද්ධ ඇතුල් කිරීමට මෙම සමාගම උත්සාහ කරන බවයි.

මෙම කුප්‍රකට සමාගම පැවති යහපාලන රජය සමයේ දී ද මෙවැනි ම 'ඩීල්' ගනුදෙනුවලින් කෝටි ප්‍රකෝටි ගණනින් මුදල් උපයාගත් ගෙන තිබෙන අතර මේවනවිට රාජපක්ෂවරුන් සමග ද එක්වී ජාවාරම් කරමින් සිටියි.

subscribeYT

subscribeYT

WhatsApp Image 2021 09 13 at 13.49.58