ඒ හේතුවෙන් ඉදිරි පැය 48ක කාලය තුළ ඇහැළියගොඩ, නෝර්වුඩ්, යටියන්තොට, ගලිගමුව, රුවන්වැල්ල, බුලත්කොහුපිටිය, දෙහිඕවිට, සීතාවක, දොම්පේ, පාදුක්ක, හෝමාගම, කඩුවෙල, බියගම, කොළොන්නාව, කැලණිය, වත්තල හා කොළඹ ප්‍රාදේශීය ලේකම් කොට්ඨාසවලට අයත් කැලණි ගංගා නිම්නයේ පහත් බිම්වලට මහා ගංවතුර තත්ත්වයක් ඇති විය හැකි බවට එම දෙපාර්තමේන්තුව අනතුරු අඟවයි.
අද උදෑසන වන විට මහනුවර සහ මාතලේ දිස්ත්‍රික්කයේ ඇතැම් ස්ථානවලට මි.මී. 400 ඉක්මවා වැසි වාර්තා වී ඇති අතර ගම්මඩුව ප්‍රදේශයට වාර්තා වී ඇති වර්ෂාපතනය මි.මී. 578ක් ලෙස සටහන්ව ඇත. එහි කන්දේනුවර ප්‍රදේශයට මි.මී. 426ක වර්ෂාපතනයක් සහ හෙට්ටිපොළ ප්‍රදේශයට මි.මී. 248ක වර්ෂාපතනයක් ලැබී තිබේ.
මෙරට කාලගුණ විද්‍යා දෙපාර්තමේන්තුවද නිවේදනය කර සිටියේ, මෑත ඉතිහාසයේ දිවයිනට ඇඳහැලෙන වැඩිම වර්ෂාපතනය ඉදිරි පැය කිහිපය තුළ බලාපොරොත්තු විය හැකි බවය.
