ගෝඨාභය රාජපක්ෂ පාලනයේ පළමු අවුරුද්ද තුලදී ශ්‍රී ලංකාවේ මාතෘ මරණ සංඛ්‍යාව
ඊට කලින් අවුරුද්දට වඩා තුනෙන් එකකින් ඉහළ ගොස් ඇති බව හෙළි වී තිබේ.
 
 මෙම කම්පා කරවන සුළු  තොරතුරු හෙළි වී ඇත්තේ ශ්‍රී ලංකා ප්‍රසව හා නාරිවේද විශේෂඥ වෛද්‍යවරුන්ගේ සංගමයේ නව සභාපතිවරයා පත් කිරීම වෙනුවෙන් පැවැති උත්සවය අමතමින් සෞඛ්‍ය අමාත්‍යවරිය සිදු කළ අදහස් දැක්වීම හමුවේය.
 

wesd

පසුගියදා කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැති උත්සවය අමතමින් පවිත්‍රා දේවි වන්නිආරච්චි අමාත්‍යවරිය  පෙන්වා දී ඇත්තේ, 2002 වසරේදී 194 ක් වූ මාතෘ මරණ සංඛ්‍යාව 2019 වසර වන විට 92 දක්වා අඩු කර ගැනීමට හැකි වී ඇති බව සෞඛ්‍ය දත්ත වාර්තා වලින් පෙනී ගොස් තිබෙන බවයි.
 
 කලාපයේ  අනිකුත් රටවල් සමඟ සසඳන විට මෙරට මාතෘ මරණ අනුපාතය අවම මට්ටමක පැවතිය ද පසුගිය වසරේ ශ්‍රී ලංකාවේ මාතෘ මරණ සංඛ්‍යාව 150 දක්වා වැඩි වී ඇතැයි අමාත්‍යවරිය එහිදී පැවසු බව රජයේ ප්‍රවෘත්ති දෙපාර්තමේන්තුව නිවේදනය කර තිබේ.
 
 එම තත්වය අඩු කර ගැනීම රජයේ වගකීමක් බවත් අමාත්‍යවරිය එහිදී පවසා තිබේ.
 
''කලාපයේ  අනිකුත් රටවල් සමඟ සසඳන විට මෙරට මාතෘ මරණ අනුපාතය අවම මට්ටමක පැවතිය ද පසුගිය වසරේ ශ්‍රී ලංකාවේ මාතෘ මරණ සංඛ්‍යාව 150 දක්වා වැඩි වී ඇතැයි අමාත්‍යවරිය එහිදී පැවසු බව රජයේ ප්‍රවෘත්ති දෙපාර්තමේන්තුව නිවේදනය කර තිබේ.''
 
"එම තත්ත්වය අවම කර ගනිමින් ගර්භණී කාන්තාවන් රැකබලා ගැනීම අප රජයේ වගකීමක්. මෙම ක්ෂේත්‍රයේ නියැලී සිටින ප්‍රසව හා නාරි වෛද්‍ය විශේෂඥවරුන් ඇතුළු සෞඛ්‍ය කාර්ය මණ්ඩල සාමාජිකයන්ගේ ගැටලු නිරාකරණය කරමින් ප්‍රසව හා නාරිවේද ක්ෂේත්‍රය පුළුල් කිරීමටත්, නවීන වෛද්‍ය උපකරණ ඇතුළු වෛද්‍ය මධ්‍යස්ථාන ස්ථාපිත කිරීමටත් 2021 මෙම වසරේ දී ආරම්භයක් ලබා ගන්නවා" 
 
 වසර හතළිහකට ආසන්න කාලයක් රට තුළ මාතෘ මරණ නිරීක්ෂණය කිරීමට වැඩපිළිවෙළක් ක්‍රියාත්මක අතර, එය ගෝලීය මට්ටමින් පිළිගෙන තිබීම සතුටට කරුණක් බවත් ඇය තව දුරටත් සදහන් කර තිබේ.
 
 රජයේ ප්‍රවෘත්ති දෙපාර්තමේන්තුව පවසන්නේ ගර්භනී මව්වරුන් දරු උපත දක්වා රැක බලා, ප්‍රතිකාර කිරීමේ අංශය ප්‍රසවවේදය ලෙස හදුන්වනු ලබන අතර, කාන්තා ප්‍රජනන පද්ධතිය සම්බන්ධ රෝගාබාධ වලට ප්‍රතිකාර කිරීමේ අංශය නාරිවේද අංශය ලෙස හදුන්වනු ලබන බවයි.
 
 ඒ අනුව මාතෘ හා කාන්තා සංරක්ෂණයේ ඉතා වැදගත් අංශයක් ලෙස ප්‍රසව හා නාරිවේද අංශය සැලකේ.
 
 ශ්‍රී ලංකා ප්‍රසව හා නාරිවේද විශේෂඥ වෛද්‍යවරුන්ගේ සංගමයේ 35 වැනි  සභාපතිවරයා ලෙස පවත්ව ඇත්තේ  විශේෂඥ වෛද්‍ය ප්‍රදීප් ද සිල්වා යි.
 
 රටක සෞඛ්‍ය පද්ධතියක ගුණාත්මකභාවය මනින එක් මිනුම් දණ්ඩක් ලෙස මාතෘ මරණ අනුපාතය පෙන්වා දී ඇති සෞඛ්‍ය අමාත්‍යවරිය උත්සව සභාව අමතමින් වැඩි දුරටත් පවසා ඇත්තේ ගර්භණීභාවය කාන්තාවකට ප්‍රසන්න අත්දැකීමක් මිසක වේදනාකාරී අත්දැකීමක් නොවිය යුතු බව කාන්තා අමාත්‍යවරියක් ලෙස තමා  විශ්වාස කරන බවයි.
 
''රටක සෞඛ්‍ය පද්ධතියක ගුණාත්මකභාවය මනින එක් මිනුම් දණ්ඩක් ලෙස මාතෘ මරණ අනුපාතය පෙන්වා දී ඇති සෞඛ්‍ය අමාත්‍යවරිය උත්සව සභාව අමතමින් වැඩි දුරටත් පවසා ඇත්තේ ගර්භණීභාවය කාන්තාවකට ප්‍රසන්න අත්දැකීමක් මිසක වේදනාකාරී අත්දැකීමක් නොවිය යුතු බව කාන්තා අමාත්‍යවරියක් ලෙස තමා  විශ්වාස කරන බවයි.''
 
මෙම උත්සවයේ ප්‍රධාන ආරාධිතයා ලෙස අග්‍රාමාත්‍ය මහින්ද රාජපක්ෂ සහ ශිරන්ති රාජපක්ෂ සහභාගි වූ අතර, නාරිවේද විශේෂඥ වෛද්‍යවරුන්ගේ සංගමයේ හිටපු සභාපති විශේෂඥ වෛද්‍ය යූ.ඩී.පී රත්නසිරි, නව සභාපති ප්‍රදීප් ද සිල්වා සහ ලේකම් විශේෂඥ වෛද්‍ය චමින්ද මාතොට යන මහත්වරුන් ඇතුලු සංගමයේ සාමාජිකයින් පිරිසක් මෙම අවස්ථාවට සහභාගී වී සිටියහ.
 

bmkn

 
 
 
The Leader TV පුවත් විකාශය (ජනවාරි 05)
ආණ්ඩු හිතවාදීන්ගෙන් ආණ්ඩුවටම තර්ජන 
 

subscribeYT

WhatsApp Image 2021 09 13 at 13.49.58

නවතම පුවත්