මන්ත්‍රීවරයාගේ සමීපතමයකු පැවසුයේ ඒ සම්බන්ධයෙන් ජනතාව දැනුවත් කිරීම සඳහා අද දහවල් 11.00ට මන්ත්‍රීවරයාගේ නිවසේ දී විශේෂ මාධ්‍ය හමුවක් කැඳවීමට තීරණය කර ඇති බවයි.
ඇමරිකානු පුරවැසියන් දෙදෙනෙකු මේ රට කොල්ලකමින් සිටින බවටත්, ජනාධිපතිවරයා පඹයකු කර රජයේ සියලුම තීන්දු තීරන ගනු ලබන්නේ 'මිස්ටර් ටුවෙන්ටි ප්‍රසන්ට්' බවටත් නාරාහේන්පිට අභයාරාමයේ ඊයේ (15) පැවති මාධ්‍ය හමුවේදී විජේදාස මන්ත්‍රීවරයා අවධාරණය කර සිටියේය.
එහිදී අගමැති මහින්දගේ ගුණවර්ණනා කළ මන්ත්‍රීවරයා, ජනාධිපතිවරයා හා බැසිල් රාජපක්ෂ ඉලක්ක කර ගනිමින් දරුණු වාග් ප්‍රහාරයක් එල්ල කළේය.
මෙරට නිල නොවන ජනාධිපති බැසිල් රාජපක්ෂ බව පැවසු විජේදාස රාජපක්ෂ මන්ත්‍රීවරයා, අද වන විට ගෝඨාභය රාජපක්ෂ මෙරට කිසිදු තීන්දුවක් නොගන්නා බවත් ඔහු පඹයෙක් ගේ චරිතය රඟපාන බවත් පැවසීය.
අද වනවිට ජනාධිපති ගෝඨාභය රාජපක්ෂ, බැසිල් රාජපක්ෂගේ අතකොලුවක් පමණක් යැයිද ඔහු සඳහන් කළේය.
අගමැති මහින්ද රාජපක්ෂ කියන දෙයක් ඒ කිසිවකු ගණන් නොගන්නා බවද මන්ත්‍රීවරයා වැඩිදුරටත් කියා සිටියේය.
‘ගම සමග පිළිසඳර’ බාල බොලද වැඩක්..
අද වන විට ශ්‍රී ලංකාව මහා අරාජික තත්ත්වයකට පත්වී ඇතැයි ද ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී විජේදාස රාජපක්ෂ මෙම මාධ්‍ය හමුවේදී කියා සිටියේය.
ඒ නිසා ගම සමග පිළිසඳර සෙල්ලම නතර කරන්නැයි ජනාධිපතිගෙන් කාරුණිකව ඉල්ලා සිටින බවද මන්ත්‍රීවරයා පැවසීය.
ජනාධිපතිවරයා එවන් බාල බොළඳ වැඩ නොකළ යුතු බවද කී මන්ත්‍රීවරයා, ගම සමග පිළිසඳර සිදු කිරීමට ප්‍රාදේශීය සභා නගර සභා මන්ත්‍රීවරුන් 8,400ක් රට පුරා සිටින බවද සඳහන් කළේය.
ආර්ථිකය කඩා වැටුනු, ගිනිගන්නා රටේ ඇත්ත ප්‍රශ්ණ විසදීමට කිසිවෙකු ඉදිරිපත් නොවන බවත් ඔහු කියා සිටියේය.
ජනාධිපති ගෙන් ආනන්ද හිමියන්ටත් දුරකථන ඇමතුමක්
මෙම මාධ්‍ය හමුව රුපවාහිනී නාලිකා හා සමාජ මාධ්‍ය ඔස්සේ සංසරණය වීමත් සමග නාරාහේන්පිට අභයාරාමාධිපති පූජ්‍ය මුරුත්තෙට්ටුවේ ආනන්ද හිමියන් වෙත දුරකථන ඇමතුමක් ලබාදී ඇති ජනාධිපතිවරයා, විජේදාස මන්ත්‍රී වරයා කළ ප්‍රකාශය සම්බන්ධයෙන් දැඩිලෙස දෝෂාරෝපණය කර ඇත.
මුරුත්තෙට්ටුවේ ආනන්ද හිමියන් ගේ අවවාද අනුශාසන තමන් ඉදිරියටත් බලාපොරොත්තුවන බව පවසා ඇති ජනාධිපතිවරයා, විජේදාස මන්ත්‍රීවරයාව හඳුන්වා ඇත්තේ ඌරකු ලෙසයි.
##################
THE LEADER TV
සිද්දිකා නොහොත් අවංක ගැහැණිය බේරගන්න ආ කැරොලිනා
අපි නොදන්න ස්ටියරිං - සිද්ධිකාට දැම්ම වගේ 'තගක්' දමයන්තිටත් දායිද ?