ශ්‍රී ලංකා සාම්ප්‍රදායික මුයේතායි සංගමය (SRI LANKA TRADITIONAL MUAYTHAI ASSOCIATION )
මගින් නාවලපිටිය, අලුත්ගම ශ්‍රි ධර්මරාජ විහාරස්ථානයේ සංවිධානය කරන ලද ශ්‍රේණිගත කිරීමේ පරීක්ෂණයේදී ක්‍රීඩක ක්‍රීඩිකාවන් හතළිස් හත් දෙනෙකු ජාත්‍යන්තර සහ සහතිකපත් ලබා ගන්නා ලදී.
මෙම ක්‍රීඩක ක්‍රීඩිකාවන් කලක් සිට තායිලන්තයේ KMA (Kru Muaythai Association) මුයේතායි ගුරුවරුන්ගේ සංගමය) මුයේතායි/ මුයේබෝරාන් විෂය නිර්දේශය අජාන් දුශාන්ත පෙරේරා යටතේ දුරස්ථ පුහුණු ක්‍රමවේදය යටතේ හදාරා ඇත.
අප්‍රේල් එකොළොස් වැනිදා පැවති මෙම වැඩමුළුව සහ සහතික ප්‍රදානය උත්සවය සංවිධානය කළ මුයේතායි උපදේශකවරයෙකු වන සම්පත් ජයසිංහ කියා සිටියේ, ගෞරව කිරීම, කෘතගුණ සැලකීම, සම්ප්‍රදාය ආරක්ෂා කිරීම, ආත්ම ගරුත්වය සහ ආත්ම විශ්වාසය මුයේතායි/මුයේබෝරාන් සටන් ශිල්පියාගේ මූලික ලක්ෂණ වන බවයි.
KMA (මුයේතායි ගුරුවරුන්ගේ සංගමය) යනු මුයේතායි / මුයේබෝරාන් ජාත්‍යන්තරව පිළිගත් ශ්‍රේණිගත කිරීම් ව්‍යුහය ලෙස සැලකෙන තායිලන්තයේ අධ්‍යාපන සහ සංස්කෘතික අමාත්‍යංශයේ ලියාපදිංචි ආයතනයකි. මෙම වැඩ වැඩසටහන්ට විහාරස්ථාන භූමිය ලබාදීම සම්බන්ධව නාවලපිටිය අලුත්ගම විහාරස්ථානයේ විහාරාධිපති ගරු හඳුන්ගමුව සංඝරතන හිමිට විශේෂ ස්තුතිය ප්‍රකාශ කළ අතර මෙම වැඩසටහන් සාර්ථක කර ගැනිම සඳහා මගපෙන්වීම ලබා දුන් සාම්ප්‍රදායික මුයේතායි සංගමය සභාපති දැනට එංගලන්තයේ පදිංචි නීතිඥ වජිර ධනපාල වෙත ඔහුගේ විශේෂ ස්තුතියප්‍රකාශ කරන ලදී.
ශ්‍රී ලංකා සාම්ප්‍රදායික මුයේතායි සංගමයේ නිර්මාර්තු සහ තායිලන්තයේ මුයේතායි ගුරුවරුන්ගේ සංගමයේ සහ ලෝක මුයේබෝරාන් සම්මේලනය යන ආයතන වල ශ්‍රී ලංකාවේ ජාතික නියෝජිත අජාන් දුශාන්ත පෙරේරා තවදුරටත් අදහස් දක්වමින් පවසා සිටියේ, ඔවුන්ගේ අරමුණ වන්නේ ගෝලීය සටන් කලා පවුලක සංකල්පය ගොඩනැගීම බවත් ඒ සඳහා මෙයට සම්බන්ධ සෑම අයෙකුගේම අඛණ්ඩ කැපවීමක් අවශ්‍ය බවත්ය.
ඔවුන්ගේ සටන් කලා ශික්ෂණය තුළින් වයස, සමේ පාට, ස්ත්‍රී පුරුෂ භාවය හෝ ප්‍රදේශය නොසලකා සියලුම සටන් කලාකරුවන්ගේ එකමුතුවයි. එතුලින් සියලු උපදේශකවරුන්ට ඉතා සාර්ථක ක්‍රීඩා සමාජයක් බිහිකර ගැනීමේ අවස්ථාව ලැබෙනු ඇත.
උසස් ප්‍රමිතින් පවත්වාගෙන යෑමත්, සම්ප්‍රදායන්ට ගරු කිරීමත්, සටන් කලාවේ සැබෑ හරය ( ජීවය ) රැකගැනීමත්, සංවර්ධනය සහ අධ්‍යාපනය දිරිගැන්වීමත් මෙහි මෙහි මුලික අරමුණු වෙයි. එමෙන්ම ජාත්‍යන්තර තරග ජයග්‍රහණය කළ හැකි දක්ෂ ක්‍රීඩක ක්‍රීඩිකාවන් බිහි කිරීම මගින් ශ්‍රී ලංකාවට ගෞරවයක් ගෙන ඒමයි.
අජාන් දුෂාන්ත පෙරේරා 2001 වසරේදී ශ්‍රී ලංකාවට මුයේතායි ක්‍රීඩාව හා හඳුන්වා දී. 2006 වසරේ පාර්ලිමේන්තු ගැසට් පත්‍රයක් මගින් ශ්‍රී ලංකාවේ 60 වැනි ක්‍රීඩාව වශයෙන් මුයේතායි ක්‍රීඩාව ඇතුළත් කොට ඇත.
THE LEADER TV
සුදේවට ආශ්චර්යක් කරන්න පුළුවන් වෙයිද ?
රුසියානු Mi-171 හෙලිකොප්ටර් 4ක් මිළදී ගැනීමට යයි - එකක මිළ ඇ. ඩොලර් මිලියන 18ක්
