1200 x 80 DMirror
 
 

කොරෝනා වසංගත තත්වය හේතුවෙන් රාජකාරි සඳහා නොකැදවන පෞද්ගලික අංශ සේවකයන්ට වැටුපෙන් භාගයක්
පමණක් ගෙවීමට හාම්පුතුන්ට ලබා දී ඇති සහනය මේ වසර අවසානය දක්වා දීර්ඝ කළ බවට කම්කරු කොමසාරිස්වරයා විසින් කරන ලද නිවේදනයක් වෘත්තිය සමිති නායකයන් විසින් අභියෝගයට ලක් කර තිබේ.
 
වැටුප් ගෙවීම සම්බන්ධයෙන් පෞද්ගලික අංශයට ලබා දී ඇති සහනය 2021 දෙසැම්බර් 21 දක්වා දීර්ඝ කිරීමට කම්කරු අමාත්‍යවරයාගේ ප්‍රධානත්වයෙන් රැස් වූ ත්‍රෛපාර්ශවිය කෝවිඩ් 19 කාර්ය සාධක බලකාය තීරණය කළ බව කම්කරු කොමසාරිස් ජනරාල් විසින් ප්‍රකාශයට පත් කර තිබුණි.
 
ත්‍රෛපාර්ශවිය කෝවිඩ් 19 කාර්ය සාධක බලකාය යනුවෙන් අදහස් කෙරෙන්නේ වසංගත සමයේ කර්මාන්තශාලා පවත්වාගෙන යාම සම්බන්ධයෙන් රජය, කම්හල් හිමියන් සහ වෘත්තීය සමිති එක්ව පිහිටුවාගෙන ඇති සභාවයි.
 
නිදහස් වෙළද කලාපයේ ප්‍රමුඛතම වෘත්තිය සමිති හතරක් ජුනි 7 සදුදා කම්කරු කොමසාරිස් ජනරාල් බී.කේ. ප්‍රභාත් චන්ද්‍රකීර්තී වෙත ලිපියක් යොමු කරමින් දැනුම් දී ඇත්තේ, 2021 ජුනි මස 02 වන දින පවත් වන ලද ත්‍රෛපාර්ශවිය කාර්ය  සාධක බලකා කමිටු රැස්වීමේ දී එවන් තීරණයක් නොගත් බවයි.
  
එම වැටුප් ක්‍රමය මාස 6ක් දීර්ඝ කරණ ලෙස සේවා යෝජක නියෝජිතයන් යෝජනා කළ ද ඒ  පිළිබඳව කම්කරු අමාත්‍ය නිමල් සිරිපාල සිල්වා විසින් සිය වෘත්තීය සමිති වලින් අදහස් විමසා සිටි අවස්ථාවේ දී වෘත්තිය සංගම්වල ඒකමතික තීරණයක් නොතිබු බැවින් හැකි ඉක්මණින් ජාතික කම්කරු උපදේශක සභාවේ සියඵම වෘත්තීය සමිති කැඳවා ඒ පිළිබඳව ඔවුන්ගේ අදහස් විමසීමෙන් පසුව තීරණයක් ගැනීමට එහිදී එකඟ වු බවයි වෘත්තිය සමිති නායකයන් පවසන්නේ.
 
 "තත්ත්වය එසේ තිබිය දී ඔබ විසින් එම වැටුප් ක්‍රමවේදය දෙසැම්බර් දක්වා දීර්ඝ කිරීමට ත්‍රෛපාර්ශවිය කාර්ය සාධක බලකා කමිටුව තීරණය කළේ යයි ප්‍රකාශ කිරීම නිවැරදි නොවන සහ නොමග යවන සුඵ ප්‍රකාශ කිරීමක් වන බැවින් එය නිවැරදි කර මාධ්‍ය වලට ප්‍රකාශයක් නිකුත් කරන මෙන් 2021 ජුනි මස 02 වන දින පවත් වන ලද ත්‍රෛපාර්ශවිය කාර්ය සාධක බලකා කමිටුවට සහභාගි වූ පහත අත්සන් කරණ අප සංගම් ඔබගෙන් ඉතා ඕනෑකමින් ඉල්ලා සිටිමු."
 
කම්කරු කොමසාරිස් ජනරාල්වරයාට එම ලිපිය යොමු කර ඇත්තේ නිදහස් සේවක සංගමයේ ප්‍රධාන ලේකම් ලෙස්ලි දේවේන්ද්‍ර, නිදහස් වෙළඳ කලාප සහ පොදු සේවා සේවක සංගමයේ ඇන්ටන් මාර්කස් ලංකා වෙළද කාර්මික හා පොදු කම්කරු සංගමයේ ප්‍රධාන ලේකම් සිල්වෙස්ටර් ජයකොඩි සහ ජාතික වෘත්තිය සමිති සම්මේලනයේ මහ ලේකම් පද්මසිරි රණවකආරච්චි විසිනි.
 
 
ප්‍රවෘත්ති දෙපාර්තමේන්තුවේ නිවේදනය :
 
කම්කරු කොමසාරිස් ජනරාල් විසින් නිකුත් කළ බව සදහන් කරමින් මාධ්‍ය ප්‍රචාරයක් ඉල්ලා රජයේ ප්‍රවෘත්ති අධ්‍යක්ෂ ජනරාල් මොහාන් සමරනායක විසින් මාධ්‍ය ආයතන වෙත බෙදා තිබු නිවේදනයේ සදහන්ව තිබුනේ වෙළද කලාප ආශ්‍රිතව සේවකයන්ගේ පැමිණිම පිළිබදව සමීක්ෂණයක් සිදුකිරීම සදහා ශ්‍රී ලංකා ආයෝජන මණ්ඩලය වෙත කම්කරු අමාත්‍යවරයාගේ ප්‍රධානත්වයෙන් පැවැති ත්‍රෛපාර්ශික රැස්වීමේදී දැනුම් දුන් බවයි.
 
 
"තවද වැටුප් ගෙවීම සම්බන්ධයෙන් පෞද්ගලික අංශයට ලබා දී ඇති සහනය 2021 දෙසැම්බර් 31 දක්වා දීර්ඝ කිරීමටද එහිදී සාකච්ඡා කරන ලද අතර එම සහනය ඒ ඒ කර්මාන්තශාලාවල/ ආයතන වල ඉල්ලීම පරිදි අවස්ථානුකුලව කම්කරු කොමසාරිස් ජනරාල්වරයාගේ අවසරය ඇතිව ලබා දීමට තිරණය කළ බැවින් ඒ සම්බන්ධයෙන් වන ඉල්ලීම් කම්කරු දෙපාර්තමේන්තුව වෙත ඉදිරිපත් කරන ලෙස කර්මාන්තශාලා/ආයතන ප්‍රධානින් වෙත මෙයින් දැනුම් දෙනු ලැබේ," යි එම නිවේදනයේ සදහන්ව තිබුනි.
 
කොරෝනා වසංගත තත්වය  හේතුවෙන් රාජකාරි සඳහා නොකැදවන පෞද්ගලික අංශ සේවකයන්ට වැටුපෙන් සියයට 50ක් හෝ රුපියල් 14,500ක්  ගෙවීමට පසුගිය වසරේ  පැවැති ත්‍රෛපාර්ශවිය කාර්ය සාධක බලකා කමිටු රැස්වීමේ දී හාම්පුතුන්ගේ සංගම් සමග එකගතාවයන් ඇති කරගෙන තිබුනි.
 
රටේ පැවැති වසංගත තත්වයේ ව්‍යාප්තියත් සමග කලින් කල එම කාල සීමාව  දීර්ඝ කර තිබුනි. කෙසේ නමුත් වෘත්තිය සමිති නායකයන් අවධාරණය කරන්නේ සේවකයන්ට අඩ වැටුප් ගෙවීමේ යෝජනාවට මෙවර තමන් එකගත්වය පළ කර නොමැති බවයි.
 
 fgfg
 
කාන්තාවන් අති බහුතරයක් රැකියාවේ නියුතු ආයෝජන ප්‍රවර්ධන කළාපයේ කම්කරු ගැටලු සම්බන්ධයෙන් සොයා බැලීම සඳහා කොරෝනා වසංගතය හිස එසවූ මුල් සමයේ පත් කළ ත්‍රෛ පාර්ශවීය කාර්ය සාධක බලකායේ  කාන්තාවන්ගේ පුළුල් සමිති ව්‍යාපාරයේ නියෝජනයක් නොමැති වීම සම්බන්ධයෙන් නිදහස් වෙළෙඳ කලාපයේ මුල් පෙලේ ක්‍රියාධාරිනියක් එම කාලයේදීම චෝදනා කර තිබුනි.
 
"මොකද මේ සදහා තියෙන්නේ එකම ආයතනය තමයි කාර්ය සාධක බලකාය.  ඒ කාර්ය සාධක බලකාය තුළ කාන්තාවන් නියෝජනය වෙන්නේ නෑ. අපි කියනවා ඔවුන්ට හාම්පුතුන්ගේ සංගමය විදිහට කාන්තාවන්ගේ නියෝජනය ඇති කරන විදිහට මේක යාවත්කාලීන කරන්න. මොකද ඇඳිරි  නීති සමයක තමයි මේ කාර්ය සාධක බලකාය හදාගත්තේ. එතන නියෝජනය වෙන්නේ වෘත්තිය සමිති  4 ක් විතරයි වෘත්තිය සමිති 14 කින්ම. එතකොට කිසිම කාන්තා නියෝජනයක් නෑ," යි එම අනාවරණය කර තිබුනේ 'ඩාබිඳු සාමූහිකයේ' වැඩසටහන් සම්බන්ධීකාරිකා චමිලා තුෂාරි විසිනි.
 
dfgfdg
 
xcxcx

 

THE LEADER TV 
 
 
 
B & S ගේ පොහොර සින්දුවට කෝටි 8 ක් ?
 

 
 
 
සාපය පලදේ: අලුත් පක්ෂයකට රහස් කතා! 
 

 
 
logo

subscribeYT

subscribeYT

නවතම පුවත්